Районда ЮХИДИ рейдлары узды

Узган атнада 26-28 август көннәрендә кичке якта район ЮХИДИ бүлекчәсе тарафыннан профилактик рейдлар үткәрелде. Ул юл йөрү кагыйдәләрен бозу очракларын ачыклау максаты белән оештырылды. Нәтиҗәдә 16 кагыйдә бозучыга административ беркетмәләр төзелде. Алар арасында иң күбесе укылмый торган дәүләт номерлары белән йөрүчеләр булдылар, шулай ук иминият полисыннан башка транспорт чарасы белән идарә итүчеләр саны да артып киткән. Документлардан башка машина белән идарә итүче бер кеше ачыкланды.

Бүгенге көндә республика территориясендә «Игътибар ­- балалар!» профилактик чарасы үткәрелә. Транспорт чарасында балаларны йөртү тәртибен бозучы бер шоферга административ беркетмә төзелде.