Районда ЮХИДИ рейдлары дәвам итә

Район территориясендә атна саен ял көннәрендә кичке вакытта юл йөрү кагыйдәләрен бозу очракларын ачыклау максаты белән профилактик чаралар үткәрелә. 9-11 сентябрь көннәрендә рейд булды. Ул, 18.00дә башланып, төнге 1.00гә кадәр дәвам итте. 15 кагыйдә бозучы шоферга административ беркетмәләр төзелде. Бу юлы иң күп кагыйдә бозу очраклары ОСАГО полислары булмау яисә аны онытып калдыру белән бәйле булды. Укылмый торган дәүләт номерлары белән йөрүчеләр саны да кимеми. Махсус утыргычсыз салонда бала йөртүче, куркынычсызлык каешын кулланмаучы берешәр кеше ачыкланды.