Районда «Язгы каникуллар» оператив профилактик чарасы дәвам итә

Ул балаларның ялы вакытында юлларда балалар катнашында хәлакәтләрне кисәтү максатында уздырыла һәм 31 мартка кадәр дәвам итәчәк.

ЮХИДИ инспекторлары һәм «Юл иминлеге» дәүләт бюджет учреждениясе хезмәткәрләре мәктәп һәм балалар бакчаларына йөрүче балалар белән очрашу һәм юл иминлеге турында әңгәмәләр үткәрүне дәвам итәләр.

26 март көнне район үзәгенең «Кояшкай» балалар бакчасында уртанчы, зурлар һәм әзерлек төркеме балалары белән юл иминлеге турында әңгәмә уткэрелде. Балалар игътибарына «Игътибар – юл чаты!», «Уйнау һәм ял иту урыннары», «Минем дустым-велосипед» исеме астында мультфильмнар күрсәтелде. Районда балалар катнашында булган һәлакәтләр турында сойләү, мультфильм геройларының маҗаралары балаларны битараф калдырмады. Алар юлларда үз-үзләрен тотышларына бәя бирделәр, үзара фикер алыштылар.

19 марттан алып бүгенге көнгә кадәр балаларны транспорт чарасында йөртү тәртибен бозучы 2 автотранспорт йөртүче ачыкланды. Шулай ук ЮХИДИ хезмәткәрләре тарафыннан 9 юл кагыйдәсен бозучы 16 яшькә кадәрле бала да ачыкланды. Кагыйдә бозучыларның 2 – велосипед йөртүчеләр, 7 – җәяүле кагыйдә бозучылар.

«Юл иминлеге» дәүләт бюджет учреждениясенең Сарман районы буенча бүлекчә җитәкчесе Алсу Ситдикова.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    2 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша