Районда бәйрәм көннәрендә дә исерек килеш машина йөртүчеләр булды

Узган атнаның бәйрәм ялларында - 6-9 май көннәрендә үткән профилактик рейдлар барышында барлыгы 64 кагыйдә бозу очрагы ачыкланды. Болар арасында иң күбесе куркынычсызлык каешларын кулланмаучылар булды - 16 очрак. Тупас кагыйдә бозу очраклары да булды. Мисал өчен, 3 - исерек килеш транспорт чарасы белән идарә итүче, 2 каршы як хәрәкәт полосасына чыгу очрагы ачыкланды.

8 майдан 14 майга кадәр «Тизлегеңне кимет!» девизы астында Дүртенче Глобаль юл иминлеге атналыгы үткәрелә. Аның кысаларында тизлек режимын контрольдә тоту буенча чаралар активлаштырыла.

Район ЮХИДИ бүлекчәсе.