Район халкы каядыр ашыга – тизлек режимын бозучылар күбәйде

10-12 мартта кичке якта булган ЮХИДИ рейдлары барышында барлыгы 25 кагыйдә бозу очрагы ачыкланды. Аларның берсе ­- исерек килеш транспорт чарасы белән идарә итүче, дүртесе - куркынычсызлык каешларын кулланмаучылар, берсе - алдан баручы транспорт чарасын узу маневрын башкару өчен каршы як хәрәкәт полосасына чыгучы. Шулай ук кагыйдә бозучылар арасында атотранспорт йөртү таныклыгыннан башка транспорт чарасы белән идарә итүче һәм вакытында ЮХИДИ штрафларын түләмәүче дә булды. 13 шоферга тизлек режимын бозган өчен административ беркетмәләр төзелде.