Махсус утыргычта булу бәланең зуррагыннан саклаган

21 декабрьдә кичке 18.00 сәгатьтә Яр Чаллы-Сарман юлының 34 км да балигъ булмаган балалар катнашында юл һәлакәте булды. ВАЗ машинасын йөртүче Сарман ягына таба барганда юл йөрү кагыйдәләренең 9.1 пунктын бозу нәтиҗәсендә идарәне югалтып каршы як хәрәкәт полосасына чыга һәм каршына килүче Лада 217020 һәм БМВ машиналары белән бәрелешә.

Лада 217020 машинасында булган 2017 һәм 2013 елгы 2 бала тән җәрәхәтләре алдылар. Һәлакәт вакытында балалар икесе дә махсус балалар өчен утыргычта булалар.

Фото:https://pixabay.com/