ДОСААФта «Яшь йөртүче» бәйгесе үтте

17 апрельдә район ДОСААФ бүлегендә «Юл иминлеге» дәүләт бюджет учреждениясенең Сарман бүлекчәсе белән берлектә укучыларның автотранспорт йөртү осталыгын бәяләү буенча «Яшь йөртүче» район конкурсы үткәрелде. Бәйгедә катнашучылар 2 төрле сынау үттеләр: «Юл иминлеге белгечләре» («В» категориясе экзаменацион билетларын чишү), һәм автотранспортны каршылыклар аша автошәһәрчектә йөртү. Бәйгедә барлыгы 16-17 яшьлек 9 укучы катнашты. Нәтиҗәдә егетләр арасында Раджанов Ильвар, кызлар арасында Габдулхакова Ләйсән иң яхшы күрсәткечләргә ия булдылар.

«Юл иминлеге» дәүләт бюджет учреждениясенең Сарман районы буенча бүлекчә җитәкчесе А.Р.Ситдикова.