Авылларда халык җыеннары бара

Бүген аларның берсе Чукмарлыда узды. Авыл җирлеге башлыгы Илшат Һадиуллин үзара салым акчаларын киләсе елда нинди максатларда тотарга планлаштырылуы белән таныштырды, моның халыктан кергән мөрәҗәгатьләр нигезендә кабул ителүен белдерде. Фикер алышулардан соң халык тәкъдимне хуплап тавыш бирде. Үзара салым акчаларына Чукмарлы авылында зират өлешчә калай койма белән әйләндереләчәк, акчаларның бер өлеше кыш көне урам юлларын чистартып торуга, бер өлеше авылда бәйрәмнәрне үткәрүгә юнәлтеләчәк.