Акчуриннар бакчасында оранжереяда кебек йөрисең

Татар Карамалысында яшәүче Зөһрә Акчуринаның матур бакча үстерү остасы булуы хакында берничә авылдашыннан ишетеп белә идем, әмма ихаталарын барып күргәч, тырышлыкның нигезендә гаилә бердәмлеге икәнлегенә төшендем. Үзе кебек, тормыш иптәше дә алтын куллы кеше икән.

- Эшләрне бергәләп башкарабыз. Ринат үзе эретеп ябыштыра, ташын сала. Бакчадагы матурлыкны бергә тудырабыз, - диде Зөһрә ханым.
Гаилә моннан берничә еллар элек Кыргызстаннан күченеп кайткан. Биредәге тормышка яраклашып, бик тыныч һәм рәхәт яшәп яталар алар.
- Кирпеч заводы төзелә, дип, 14 гаиләне шушы авылга чакырып кайтардылар. Башкалар кире күченеп киттеләр, ә без монда төпләнеп калдык инде. Йортны яңарттык, ихатаны төзекләндердек. Безгә монда бик ошый, - дип сөйләп алды хуҗабикә.
Зөһрә ханым бакчасында бик күп төрле чәчәкләр үстерә. 17 төп чалма чәчәге (пион) генә бар, роза, лилияләр, клематис һәм башка төрле күпьеллыклар үсә, каен җиләген үрчеткәннәр, җир җиләге һаман да җимеш биреп утыра. Теплицаларында, тышкы якта төрле яшелчәләр мул уңыш бирә. Төрле төсле петунияләр, үрмәле гөлләр, кузаклы фасоль арасында йөргәндә, үзеңне оранжереяда кебек хис итәсең. Виноград куагы астындагы эскәмиядә ял итү дә көч өсти кебек. Ишек төбенә ясалып куелган үзенчәлекле җиһазга күзем төшкәнне күреп:
- Урта Азиядә һәр йортта бар ул. Аны “сүрә” дип атыйлар. Монда утырып ашыйлар да, ял да итәләр. Балалар, оныклар кайткач, без дә шунда җыелабыз, - диде Зөһрә апа.
Тулырак газетабызның 11 сентябрь санында укыгыз.
Альбина Сабирова язмасы һәм фотолары

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Сез чүп-чарны сортларга бүләсезме? .
    10 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте