Шәүвәл аенда ураза тотуның савабы нинди?

Һиҗри календарьда изге Рамазан аен Шәүвәл ае алыштыра. Мөселман бу айда алты көн өстәмә ураза барлыгын онытмаска тиеш. Бу – мәҗбүри булмаса да, пәйгамбәребез галәйһиссәлам үтәгән, безгә дә моны үтәү саваплы икәнлеге хәдисләр белән ачыкланган бер ураза төре. Моның турында пәйгамбәребез (с.г.в.) болай ди: «Кем Рамазан аенда ураза тотса, шуннан соң шәүвәл аеның алты көнен ураза тотса, бер туктамый ураза тоткан кебек булыр (ягъни ел буенча ураза тоткан кебек саналып, шуның әҗеренә ирешер)».

Чыганак: https://intertat.tatar/news/questions_answers/17-06-2018/sh-v-l-aenda-uraza-totuny-savaby-nindi-4986047