"Кояшкай" да киңәшмә үтте

Бүген район үзәгенең "Кояшкай" балалар бакчасы базасында район мәгариф хезмәткәрләренең август киңәшмәсе кысаларында физик тәрбия инструкторлары һәм тәрбиячеләренең секцион утырышы узды. "Үсеш перспективалары һәм нәтиҗәләре: яңа ихтыяҗлар, яңа мөмкинлекләр, яңа җаваплылык" дигән темага багышланган сөйләшүнең максаты итеп традицион ысуллар кулланып эшләү куелды. Киңәшмәдә катнашучылар белән физик тәрбия юнәлешендәге шөгыльләр, сәламәтләндерү гимнастикасы үткәрелде. Утырышны мәгариф бүлеге методисты Зөлфия Гарипова, бакча мөдире Илсөяр Әхкамова һәм өлкән тәрбияче Айсылу Билалова оештырдылар.