Рантамак басуларында көзге бодай тукландырыла башлады
Карамалы җитештерү комплексында уҗымнарны тукландыруга керештеләр.
Комплексның Рантамак янындагы 285 гектарлы көзге бодай басуында аммиак селитрасы кертелә.
– 2836 гектарда уҗымнар бар. Көздән аларның 1056 гектары тукландырылган иде, - диләр комплекс идарәчесе Равил Әхмәтов һәм баш агроном Илдус Аитов.- Менә калган мәйданнарга ашлама кертә башладык. Ул гектарга 1 центнер исәбеннән кертелә (физик авырлыкта). Үсемлекләр куаклану чорында тагын берәр центнердан ашлаячакбыз.
Басуда “Агрокөч-Логистика” җәмгыятенең “Барс” агрегаты эшли. Аның белән Ленар Биктаһиров идарә итә. Ашлама чыгаруда Наил Кыямов, Григорий Фомичев, кран-манипуляторда Рүзәл Хәйбуллин эшлиләр.
Энҗимә Габдрәхимова язмасы һәм фотолары.
Следите за самым важным и интересным в Telegram-каналеТатмедиа
Нет комментариев