Райондашыбыз медальгә лаек булды

Татарстан Республикасы Рәисе Указы белән, Татарстан Республикасының атказанган агрономы, Россельхознадзорның мактаулы хезмәткәре, гомерен һәм хезмәт юлын авыл хуҗалыгын үстерүгә багышлаган райондашыбыз – “Татарстанның элиталы орлыклары” ассоциациясе зональ агрономы Рафаэль Мөгаллим улы Миңнуллин, күпьеллык намуслы эшчәнлеге һәм хезмәттәге казанышлары өчен, “Фидакарь хезмәте өчен” медалена лаек булды.
Без райондашыбызны тәбрик итәбез һәм киләчәктә дә куанычлы гомер, сәламәтлек, хезмәт уңышлары телибез.