Чираттагы бишкөнлек җиңүчеләре бүләкләнде
Бүген район башлыгы Фәрит Хөснуллин, авыл хуҗалыгы һәм азык-төлек идарәсе начальнигы Николай Сахуриев, идарәнең җитештерү бүлеге начальнигы Илнур Салихов, район җитештерү комплексларының башкаручы идарәчесе Илшат Вәлиев урып-җыю эшләрендә катнашучылар арасында чираттагы бишкөнлек җиңүчеләренә премияләр тапшырдылар.
Беренче төркемдә – яңа комбайннарда эшләүчеләр арасында “Сарман”нан Артур Шәймәрданов беренче булды. Аның хезмәттәше Дәвис Уразаев өченче урын өчен бүләк алды. “Нөркәй” агрофирмасы механизаторы Руслан Әгъзәмов бу юлы икенче урын өчен бүләкләнде. Икенче төркем җиңүчеләре – ургычлары 9 метрлы комбайнда эшләүчеләр арасында өч призлы урын да “Сарман” агрофирмасы механизаторларына булды. Дамир Гайнуллин, Ринат Сәгъдәтов, Алмаз Хәсәнов акчалата бүләкләр алдылар. Өченче төркемдә ургычлары 7 метр булган комбайнчылар Булат Сафин (“Нөркәй”, 1 урын), Илдар Хафизов (“Сарман”, 2 урын), Айназ Миңнуллин (“Нөркәй”, 3 урын) иң яхшы күрсәткечләре өчен акчалата бүләккә ия булдылар.
Следите за самым важным и интересным в Telegram-каналеТатмедиа
Нет комментариев