Сарман районында укучыларга һөнәри юнәлеш бирү буенча очрашу узды

Сарман районына эшлекле сәфәр кысаларында Татарстан Республикасы авыл хуҗалыгы һәм азык-төлек министрының беренче урынбасары Николай Титов, Казан дәүләт аграр университетының механизация һәм техник сервис Институты директоры Сергей Яхин, Казан дәүләт ветеринар медицинасы академиясе ректоры ярдәмчесе Булат Камалов, Казан дәүләт аграр университетының агробизнеста машиналар һәм оборудование кафедрасы ассистенты Илдар Кашапов килделәр. Алар районда фермер хуҗалыклары, кече һәм урта бизнес өчен барлык шартлар булуын билгеләп үттеләр, Казан дәүләт аграр университетының эшчәнлеге белән таныштырдылар, видеоматериаллар күрсәттеләр.

Сарман муниципаль районы башлыгы Нәфис Закиров, очрашуны ачып: "Без аграр көллият белән горурланабыз. Монда сигез юнәлеш буенча белгечләр әзерләнә. Студентлар агрофирма басуларында практика үтәләр. Аларның теориясе, практикасы камилләшергә тиеш. Бу алга таба белем һәм осталык дәрәҗәләрен арттырганда мөмкин", - диде.

Очрашу турында тулырак язманы газетабызның 28 февраль санында укыгыз.