"Сарман" агофирмасында шикәр чөгендере чәчүгә керештеләр

«Сарман» агофирмасында шикәр чөгендере чәчүгә керештеләр. Биредә ул 4000 гектар мәйдан биләячәк. Бүген эшләр агрофирманың Каташ Каран янындагы 150 гектарлы басуында бара. Башта гектарына 1 центнер исәбеннән - катлаулы ашлама, 3 центнер аммиак селитрасы кертелә. Аннан компактор белән эшкәртелә һәм чәчкечләр керә. Бүген басуга беренчеләрдән булып Ринат Сәгъдәтов белән Айдар Рәхимов чыкканнар.

Чөгендер чәчү белән берочтан арпа чәчелә, көзге культураларны тукландыру бара.

Бу турыда тулырак язма - район газетасының киләсе санында.