Саклаубашта дару үләннәре җыйдылар

Саклаубаш авылы җирлегендә дару үләннәре (кычыткан, сукыр кычыткан, каен һәм имән себеркесе) җыю оештырылды. Һәр үләнне җыюның үз вакыты бар. Халыкта ул, гадәттә, Питрау көне (12 июль) белән билгеләнә. "Питрауга чаклы үләннең шифасы - чәчәктә, Питраудан - соң тамырда" диелә бер сынамышта. Дару үләннәренең шифасы, алардан файдалану ысуллары турында халыкта әллә никадәр мәкальләр, киңәшләр бар. Аларны дөрес итеп җыя һәм куллана белергә генә кирәк. "Яшел докторларның" дәвалау роле бик зур. Аларны сакларга, яратырга кирәк.