Республика "Уныш бәйрәме"ндә сарманлылар да катнашты

Район башлыгы Фәрит Хөснуллин житәкчелегендәге делегация бүген Казанда "Уңыш бәйрәме"ндә катнашты. Тантана кунакларын ТР Президенты Рөстәм Миннеханов, Президент киңәшчесе Минтимер Шәймиев сәламләделәр, авыл хуҗалыгы өлкәсен үстерүгә өлеш керткән һәркемгә фидакарь хезмәтләре өчен рәхмәт сүзләрен ирештерделәр. Рөстәм Нургалиевич алдынгыларга дәуләт бүләкләре тапшырды. Районыбыз - республикада алдынгылар рәтендә. Республика буенча 5 миллион уңыш җыеп алынган икән, бу тарихи вакыйгада безнең алдынгыларыбызның да өлеше зур. Яңгыраган җырлар, дәртле биюләр бәйрәмдә катнашучылар хөрмәтенә башкарылды.

Авыл хуҗалыгы хәм азык-төлек министры Марат Әхмәтов бердәм, тырыш хезмәтнең нәтиҗәсе дә куанычлы булуын зур горурлык белән билгеләп үтте.