Районда үткән семинарда орлыкландыру технологлары бүләкләнде

Районда терлекчеләрнең эшен стимуллаштыру, продукция җитештерүне арттыру максатыннан, район Башкарма комитетының терлекчеләр арасында ярыш оештыру турында карары чыкты. Аның нигезендә һәр ай саен иң югары эш нәтиҗәләре күрсәткән савымчылар, терлекчеләр, бозау караучылар һәм терлекләрне ясалма орлыкландыру технологлары бүләкләнәчәк. «Җәлил» агрофирмасында бүген узган семинар-киңәшмәнең пленар өлешендә ясалма орлыкландыру технологлары бүләкләнде. Январь ае нәтиҗәләре буенча беренчелекне «Җәлил» агрофирмасыннан Людмила Гыймадиева яулады. Икенче урында - «Сарман» агрофирмасы технологы Рөстәм Гәрәев, өченче урында - шулай ук «Сарман» агрофирмасыннан Рәмис Исламов.