Районда чәчү эшләре 34700 гектарда башкарылды

Районда чәчү эшләре 34700 гектарда башкарылды, бу язда чәчеләсе барлык мәйданнарның 70 процентын тәшкил итә. Арпа, солы, борчак, люпин, берьеллык үләннәр чәчү төгәлләнде. Көнбагыш чәчү - төгәлләнү алдында. Язгы бодай - 6900 гектарда, шикәр чөгендере 10500 гектарда, ягъни планлаштырылган мәйданнарның 88 процентында чәчелде. Бөртеккә кукуруз чәчү башланды, эш 300 гектарда башкарылды. Седераль пар җирләренә майлы шалкан, гәрчич чәчелә. Алар 8000 гектар биләячәк. Бүгенге көндә көзге культураларны чүп үләннәренә, корткычларга каршы эшкәртү, яфрактан тукландыру бара. Башкарылган эш 2600 гектар тәшкил итә.