Район башлыгы урак алдынгыларын бүләкләде

"Сарман: иң яңа хәбәрләр", 10 август 2019 - 16:40

1522

Бүген район башлыгы Фәрит Хөснуллин район басуларында уракның икенче бишкөнлеге алдынгыларын бүләкләде.

Алдан ук хәбәр иткәнебезчә, урып-җыю эшләрен агротехник срокларда, югары сыйфат белән башкарып чыгу, уракта катнашучы комбайнчылар һәм механизаторларның эшен стимуллаштыру максатыннан, район Башкарма комитеты уракта катнашучы механизаторлар арасында ярыш үткәрү турында карар кабул иткән иде. Бүген икенче бишкөнлеккә нәтиҗә ясар вакыт килеп җитте. Урак алдынгыларына акчалата бүләкләрне тапшыруда район авыл хуҗалыгы һәм азык-төлек идарәсе начальнигы Альберт Шәрипов һәм идарәнең җитештерү-маркетинг бүлеге начальнигы Илнур Салихов та катнаштылар.