Хезмәтне саклау, техника куркынычсызлыгы таләпләре төгәл үтәлгән 

“2018 елгы язгы кыр эшләрен үткәрү чорында хезмәтне саклау, хезмәт куркынычсызлыгы таләпләрен үтәү турында”гы айлык кысаларында,  авыл хуҗалыгы һәм азык-төлек идарәсе белгечләре,  Татарстан буенча “Гостехнадзор”ның Сарман бүлеге начальнигы һәм район авыл хуҗалыгы берләшмәләренең техника куркынычсызылыгы, хезмәтне саклау инженерлары белән берлектә,  урыннарда булып, язгы кыр эшләрендә катнашучы барлык техниканың торышын тикшерделәр.Чара барышында  чәчкечләр, туфрак эшкәртүче техникаларның барысы да энә күзеннән диярлек үткәрелде. Моннан тыш,  тракторчы машинист таныклыкларының, янгын сүндерү җайланмаларының, махсус киемнәрнең, медицина аптечкаларының булу, булмауларына да ныклы игътибар бирелде. Шулай ук үзйөрешле машиналарның, тагылма агрегатларның  техника куркынычсызлыгы таләпләренә туры килү торышына да бәя куелды. Нәтиҗәләрдән күренгәнчә, барлык хуҗалыкларда да хезмәтне саклау,  куркынычсызлык таләпләре төгәл үтәлгән.