Авыл хуҗалыгы һәм азык-төлек идарәсендә киңәшмә узды

Бүген район авыл хуҗалыгы һәм азык-төлек идарәсендә, район прокуроры урынбасары Альберт Бикмуллин, Дәүләт ветеринария инспекциясенең Түбән Кама территориаль идарәсе инспекторы Ришат Шәяхмәтов, район ветеринария берләшмәсе начальнигы Илфат Солтанов катнашында, терлекләрдә нодуляр дерматитны булдырмау мәсьәләләренә кагылышлы киңәшмә узды. Аңа районның мөгезле эре терлек ташу һәм үрчетү белән шөгыльләнүче крестьян-фермер хуҗалыклары җитәкчеләре чакырылган иде. Әлеге авыруның инде Башкортстанда теркәлүе мәсьәләнең җитдилеген күрсәтә. Сөйләшүдә катнашкан КФХ җитәкчеләренә авыруны районга кертмәү чараларын үтәү турында аңлатылды.