Ял көннәрендә сыйланып алыгыз

Заманча ашханәдә пешергән пирожоктан бер дә ким чыкмый. 

Сарман авылында яшәүче Венера Сәетшина райондашларына һәвәскәр бакча үстерүче һәм оста пешекче буларак та таныш. Аның татлы балан пирогларын. Тәмле тортларын, рулетларын авыз итмәгәннәр сирәктер. Бүген ул “Макдональдстагы кебек чия пирожогы” пешерү рецепты белән уртаклаша. 

Камыр өчен: 

100 грамм суытылган ак майны турап, он белән әйбәтләп бутыйсы. Шуңа 100 грамм салкын су кушып, каты эластик камыр ясыйсы һәм ярты сәгатькә суыткычка куясы. 

Эчлек әзерләү: 

3 аш калагы шикәр комы, 1 аш калагы кукуруз крахмалы, 3 аш калагы салкын су, 1 стакан тошсез чияне кушып, яхшылап болгатасы һәм, куерганчы, утта тотасы. Әзер булгач, уттан алып, суытасы. 

Әзер камырны җәеп, якынча 25 см озынлыкта 10 см киңлектә итеп кисәсе. Бер яртысына эчлекне җәеп, камыр кырлары ачылмасын өчен, 1 йомырка сарысына 1 аш калагы сөт салып, буяп чыгасы. Икенче яртысын каплап, чәнечке белән сыр ясыйсы. Кайнар сыек майда кызарганчы пешереп аласы. 

Заманча ашханәдә пешергән пирожоктан бер дә ким чыкмый. 

Сез дә пешереп карагыз әле, хөрмәтле дуслар. 

Чәйләрегез тәмле булсын!

 

Альбина Сабирова язмасы 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде