Сусауны басар өчен лимонад

Ингредиентлар:

1 л су (лимонад);

200 мл су (сироп);

100–120 г шикәр комы;

300 г кыяр;

1 лимон;

1 лайм;

2–3 бөтнек ботагы;

боз кисәкләре.

Ясау тәртибе:

Кыяр, бөтнек, цитрус җимешләрен әйбәтләп юабыз.

Лимонад өчен суны кайнатып чыгарабыз һәм суытабыз.

Боз кисәкләрен әзерлибез.

Лимонның кабыгын чистартабыз.

Бөтнек ботакларының яфракларын өзеп алабыз.

Тирән эчле табакка 200 мл су салып, шикәр комы, лимон кабыгы, бөтнек яфракларын өстибез.

Кайнап чыккач, тагын 1 минут кайнатабыз.

Уттан алып, сиропны 30 минут тотабыз (суытабыз).

Лимонның согын сыгабыз.

200 г кыярны вак тишекле угыч аша чыгарып, согын сыгабыз.

Калган кыярларны һәм лаймны боҗралап (юка гына) турыйбыз.

Сиропны (иләк аша), лимон, кыяр сокларын кувшинга агызабыз.

Лайм, кыяр кисәкләрен һәм бөтнек яфракларын өстибез.

Су салып болгатабыз.

Кувшинны суыткычка куеп, 1 сәгать тотканнан соң, лимонадка боз кисәкләре салып эчәбез. 

Тәмле булсын!