Хезмәттәшебездән тәмле десерт рецепты

Бик тиз әзерләнә торган, үзе тәмле шоколадлы-йөземле кекс рецепты тәкъдим итәбез. Безгә кирәк: 2 йомырка, 15 аш калагы шикәр комы, 15 аш калагы сөт, 15 аш калагы үсемлек мае, 10 г көпшәкләндергеч(разрыхлитель), 50 г шоколад, 50г йөзем, 15 аш калагы он. Әзерләү: савытка йомырканы сытып салабыз, шикәр комын салгач яхшылап туглыйбыз. шуннан соң сөт, үсемлек мае, көпшәкләндергеч салып болгатабыз. он салып туглаганнан соң, вак кисәкләргә вакланган шоколад, йөзем салып, калак белән майлы табага салабыз. 200 градуста 40-45 минут пешерәбез.

Рецепт авторы: Миләүшә Зәрипова