Сарманлыларны район муниципаль башлыгы якынлашып килүче Ураза гаете белән котлады

"Мөхтәрәм райондашлар!

Чын күңелдән якынлашып килүче Ураза гаете белән котлыйм!

Бәрәкәтле Рамазан ае уңаеннан минем йөрәк түреннән чыккан котлауларымны кабул итегез. Сезне барыгызны да Рамазан Гаете белән тәбрик итәм. Бу гүзәл көннәрдә без шушы мөбарәк бәйрәмне күңелләребездәге зур рухлану хисләре белән каршылыйк.

Аллаһы Тәгалә Үзенең бетмәс байлыкларын, тынычлык, бәхет-сәгадәт, сәламәтлек-иминлекләрен, шулай ук туганлык җепләрен һәм рухи кыйммәтләрне ныгытуга ярдәмен һәр гаиләгә һәм бөтен җәмгыятькә иңдерсә иде! Рамазан Гаете мөбарәк булсын!" - дип, котлау сүзләре ирештерде район башлыгы Нәфис Закиров.