Сарманда яшәүче Якупова Гөлсинә Мөбәрәкхан кызы 90 яшьлек юбилеена чакырды

--, 20 октябрь 2017 - 11:46
557
0
0

Дими Тарлау авылында туып-үскән кызның тормыш юлы исәп-хисап хезмәтендә үтә. Хисапчылар хәзерләү курсларын тәмамлап, аннан сәүдә техникумында укып белем алып кайткан кызны сельпога баш хисапчы итеп билгелиләр, аннан хәзерләүләр конторасында да хезмәт тәҗрибәсе туплый ул. 1976-1983 елларда Сарман һөнәр училищесында баш хисапчы булып эшләп, лаеклы ялга чыга. Хезмәт биографиясе бик кыска кебек. Әмма шушы еллар артында күпме тынгысыз көннәр һәм төннәр, төгәллек таләп итүче кәгазь белән эш, кешегә карата игътибарлы, кешелекле булу сыйфатларын саклау кебек тагы да җаваплы хезмәт ята. Алдынгы карашлы коммунист гаиләсендә тәрбияләнгән кыз бервакытта да сынатмый. Бүгенге көндә дә ул үзе яшәгән төбәкнең патриот кызы булып кала алган. Үзен олуг юбилее белән тәбрикләргә килгән һәркемгә, аеруча район башлыгы Фәрит Хөснуллинга булган тирән хөрмәтен, эчкерсез рәхмәт сүзләрен ул яшереп кала алмады, кабат-кабат сөенечле күз яшьләре, хәерхаһлы теләкләре аша җиткерде. Фәрит Мөнәвирович юбилярга изге теләкләр, олы рәхмәт сүзләре белән Рәсәй Президенты Владимир Путинның Котлау хатын, истәлек бүләге тапшырды. Аның матур теләкләренә Сарман авыл җирлеге башкарма комитеты җитәкчесе Николай Сахуриев, район ветераннар советы рәисе Нәҗип Миңнеголов, социаль яклау бүлеге начальнигы Лилия Гыйльметдинова, аграр көллият директоры урынбасары Илфат Нигъмәтуллин кушылдылар. Кызлары, кияве, оныклары, туганнары да аның истәлекле көне шатлыгы белән уртаклаштылар. Без дә Гөлсинә апаның бүгенге көндә дә зирәк акыллы, гыйлемгә омтылышлы булуына сокландык.

- Район тормышын гел күзәтеп барам, "Сарман" газетасын башыннан ахырына кадәр укыйм. Сарманның көннән-көн матурлана баруына, андагы үзгәрешләргә бик сөенәм. Җитәкчеләргә, райондашларыма эшләрендә уңышлар телим. Мине хөрмәт итеп килүегез өчен зур рәхмәт, киләчәктә дә эшләрегез гөрләп барсын, - диде юбиляр.

Тулырак язманы газетабызның алдагы санында укыгыз.

Альбина Сабирова.

Фотолар - автордан

Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Санап үтелгәннәрнең кайсысы сезне ныграк куркыта? Хөрмәтле сарманлылар, сезне социологик сораштыруда катнашырга чакырабыз. Сезне нәрсә куркыта һәм тормыш дәрәҗәгезне нәрсә төшерергә мөмкин?
    8 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте