Куҗакта Камилә апа Нуретдиновага 95 яшь тулды

--, 26 июнь 2017 - 09:01
606
0
0

Куҗак авылында гомер кичерүче Нуретдинова Камилә Нуретдин кызына 95 яшь тулды. Олуг юбилее белән ветеранны район башлыгы Фәрит Хөснуллин исеменнән район Советы аппараты җитәкчесе Фәндәс Вәлиев тәбрикләде, Рәсәй Президенты Владимир Путинның Котлау хатын, район башлыгының истәлек бүләген тапшырды.

- Тормышымнан бик канәгать мин. Күргәннәремә дә рәхмәт, бүгенгесенә бигрәк тә рәхмәтле. Мине тәрбияләгән туганнарым яхшылыгы өчен Аллаһы Тәгаләгә рәхмәт укыйм. Ата-ана рәхәте, назы күрмәдем, яшьли ятим калдык. Ачлыкны да, ялангачлыкны да күрдек. Бүгенгесе - Аллага шөкер, мең шөкер, - дип кабатлады Камилә апа, тәбрик сүзләрен кабул итеп.

Иске Минзәләбаш авыл җирлеге башлыгы Әлфинур Мияссарова да юбилярга изге теләкләр белән истәлек бүләге тапшырды.

Камилә апа апасының улы Марсель, килене Алсу тәрбиясендә яши.

- Гомере буе алдынгы хезмәт куйды, беренче 3000 литр сөт савучы булды. Хәзер дә тик утырырга яратмый, бар яңалыклардан хәбәрдар: телевизор карый, гәҗит укый.

Юбилее уңаеннан якыннары торт пешерттергәннәр. Өслегенә бәбкәләр караучы әби сүрәте ясалган. Бу очраклы түгел, чөнки Камилә апаның яратып башкара торган шөгыле бар: җәйгә керсә, ул үрдәк, каз бәбкәләре үстерә.

Киләсе җәйләре, гомерләре дә шулай кирәкле булып, ныклы саулык, җан тынычлыгы белән узсын иде. Юбилеегыз котлы булсын, Камилә апа.

Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде