Районның "Егет солтаны" Вилдан Юнысов Әлмәттә яши

24 февраля 2021, 14:47

6465

Кичә район мәдәният йортында "Татар егете-2021" бәйгесенең финал туры үткәрелде. Чара

Татарстан республикасында туган телләр һәм халыклар бердәмлеге елы һәм Ватанны саклаучылар көне уңаеннан оештырылды. Кичәне район Башкарма комитеты җитәкчесе Фәндәс Вәлиев ачты. Бәйгедә егетләр аерым номинацияләрдә бүләкләнделәр. Ләке авылыннан "Иң сәләтле егет" Денис Сорокин, Янурыс авылыннан "Иң зирәк егет" Айназ Семенеев, Чураш авылыннан "Иң милли җанлы егет" Рузил Шәмсемөхәммәтов, Яхшыбай авылыннан "Иң уңган егет" Камил Сәхәбиев, Саклаубаш авылыннан "Иң булдыклы егет" Динар Жамалетдинов, Сарайлы авылыннан "Тамашачы мәхәббәте"н яулаган Ислам Хәбибуллин уңышлы чыгыш ясадылар. Нәтиҗәләр буенча 3 урынга - Петровка авылыннан Айрат Зәйнуллин, 2 урынга - Александровка авылыннан Илһам Бәдретдинов, 1 урынга Шәрләрәмәдән Илназ Зарипов лаек булдылар. Әлмәт авылыннан Вилдан Юнысов "Татар егете-2021" исемен алды.