Сарманда «Созвездие-Йолдызлык» фестиваленең зона туры уза
Сарман районы мәдәният йорты ике көнгә яшь талантларның үзәгенә әверелде: 3 һәм 4 март көннәрендә биредә «Созвездие-Йолдызлык» республика фестиваленең зона этабы уза.
Быел конкурс Сарман, Мөслим, Түбән Кама һәм Зәй районнарыннан 1500дән артык катнашучыны җыйды. Иҗади коллективлар өч юнәлеш буенча 220гә якын номер әзерләгән: вокал, хореография һәм конферанс.
Катнашучыларны район Башкарма комитеты җитәкчесе урынбасары Индира Сәхипова сәламләде. Ул фестивальнең, алган урыннарына карамастан, яшьләр үсеше өчен зур этәргеч булуын ассызыклады. Фестивальнең генераль продюсеры Дмитрий Туманов үзенең хәер-фатихасында остазларга балалар үсешенә керткән өлешләре өчен рәхмәт белдерде һәм Татарстан Рәисе Рөстәм Миңнеханов патронажы астында үткәрелүче әлеге чараның мөһимлеген билгеләп үтте.
Этапның нәтиҗәләре 4 мартта сәгать 18:00дә гала-концертта ясалачак. Тур лидерлары Казанга суперфиналга юл тотачак, ул 11–16 апрель көннәрендә КФУның «УНИКС» мәдәни-спорт комплексы базасында үтәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев