Бүген, 3 октябрь - Бөтендөнья архитектура көне. Ул ел саен октябрьнең 1 нче дүшәмбесендә билгеләп үтелә. Аңа 1985 елда Халыкара архитекторлар союзы тарафыннан нигез салына. Архитекторлар, инженерлар, төзүчеләр, проект бюролары, мастерскойлары җитәкчеләре, ярдәмчел персонал 1әм аларның якыннары әлеге бәйрәмне ел саен искә алмыйча калмыйлар. Аны профильле уку йортлары студентлары, аспирантлар, укытучылар, шулай ук бу вузларны тәмамлаучылар да үзләренеке дип саныйлар.

Сарман архитекторлары һәм төзүчеләре дә бәйрәмне лаеклы рәвештә билгеләп үтәргә хокуклылар. Районда ел саен шактый объектлар сафка бастырыла. Мәктәпләр, спорт комплекслары, ял зоналары, фельдшер-акушерлык пунктлары, мәдәният йортлары һәм башкалар - шундыйлардан.