Зәйдә Татарстан Республикасы “Авыл яшьләре” Х җәйге спорт уеннары уза

Зәйдә Татарстан Республикасы "Авыл яшьләре" Х җәйге спорт уеннары уза. Анда Татарстанның 43 авыл районыннан 2 меңнән артык спортчы катнаша. Безнең район данын 50 спортчыдан торган команда яклый. Уеннарны ачу тантанасы яңартылган "Энергия" стадионында оештырылды. Ярышлар 14 спорт төре буенча уздырыла. Спортчылар волейбол (ирләр һәм хатын-кызлар командалары), җиңел атлетика, туристик многоборье, гимнастика, көрәш, гер спорты, армрестлинг, билбау көрәше, шашка, шахмат, өстәл теннисы, бадминтон, аркан тарту буенча көч сынашалар.

Без спортчыларыбызга уңышлар, зур җиңүләр телибез.