Район яшьләре бәйрәмнәрен билгеләп үтәләр

Бүген, 27 июньдә, Россиядә Яшьләр көне билгеләп үтелә. Әлеге бәйрәмне 1993 елда илдә беренче тапкыр үткәрәләр.

Без барлык яшьләрне, күңелләре белән яшь булган өлкәнрәк кешеләрне бу бәйрәм белән тәбриклибез, алга таба да яшь күңелле, актив, тормыш сөючән булуыгызны телибез.

Шактый очракта Яшьләр көнен иң якын ял көнендә бәйрәм итәләр. Шул рәвешле, ул Сарманда шимбә, 2 июльдә булачак.

Игътибар! Яшьләр көне беренче тапкыр яңа ял паркында үткәреләчәк. Футбол уеннары 14.00 сәгатьтә башлана, стритбол буенча уеннар һәм пауэрлифтинг ярышлары 19.00 дә старт ала. Футболны үзәк ял паркында уйнаячаклар, калган ике спорт төре яңа паркта узачак. Бәйрәм 19.00 сәгатьтә башлана, концерт өлеше - 20.00 сәгатьтә.

Бәйрәмгә Салават Миңнеханов белән Гүзәлем һәм диджей киләчәкләр.