Сарманда яшәүче хезмәттәшебез – Гүзәл апа Ногманова 70 яшьлек юбилеен билгеләп үтә

Сарман авылында яшәүче хезмәт ветераны Гүзәл апа Ногманова бүген 70 яшьлек юбилеен билгеләп үтә.

Юбиляр гомеренең хезмәт елларын тулысынча район газетасы редакциясе белән бәйли. Кырык ел шунда эшләп, лаеклы ялга чыга. Редакция бусагасын тәүге тапкыр 1965 елның январендә атлап керә. Башта корректор, аннан соң секретарь-машинист вазифаларын башкара.

Гүзәл апаны гомер бәйрәме белән котларга без коллектив белән бардык. Без аңа исәнлек-саулыкта, якыннарының күңел җылысын тоеп, бәрәкәтле имин тормыш яшәргә телибез. Гүзәл апа, туар таңнарың якты, кояшлы булсын, сиңа сәламәтлек, озын гомер телибез.