Район медицина хезмәткәрләре һөнәри бәйрәмнәрен билгеләп үтәләр

Һәр елны июнь аеның өченче якшәмбесендә Россиядә һәм тагын берничә илдә, күпъеллык традиция буенча, Медицина хезмәткәре көне билгеләп үтелә.

Табиб һөнәре - иң кирәклеләрнең берсе. Һәркемнең гомерендә бер тапкыр булса да аларга мөрәҗәгать иткәне бар. Хәзерге заманда сәламәтлек саклау һәм табиблар хезмәте чирләрне дәвалауга һәм кешенең сәламәтлеген кайгыртуга гына кайтып калмый, сәламәтлекнең үсешенә дә бәйле.

Без табибларны һөнәри бәйрәмнәре белән чын күңелдән котлыйбыз, авыр хезмәтләрендә уңышлар һәм үзләренең дә, аларга мөрәҗәгать итүчеләрнең дә сәламәт булуларын телибез.