Район Башкарма комитеты җитәкчесе Фәрит Хөснуллин православие дине вәкилләрен бәйрәм белән котлый

Хөрмәтле райондашлар!

Бүген барлык православие дине вәкилләре христианнарның изге бәйрәме - Пасха бәйрәмен билгеләп үтә. Ул - кешеләрне яхшылыкка өндәүче, изге гамәлләр кылырга чакыручы, яшәешнең яңаруын күрсәтүче бәйрәм. Районда яшәүче һәркемне татулык, дуслык, бер-беренә карата мәрхәмәтлелек, ярдәмчеллек, максатларга ирешүдә бердәмлек, активлык берләштерсен. Изге бәйрәм һәр йортка иминлек, муллык, бәхет һәм шатлык, гаиләләргә һәм илебезгә тынычлык, уңышлар алып килсен. Бәйрәм котлы булсын!