Зур Нөркәй авылында Мөршидә әбигә 90 яшь тулды

4 гыйнварда Зур Нөркәй авылында яшәүче Сабельева Мөршидә Шакир кызына 90 яшь тулды. Ул гомер буе терлекчелектә тырыш хезмәт куйган, тормыш иптәше - сугыш ветераны Мөнәвир абый белән биш бала тәрбияләп үстергән. Бүгенге көндә ул кече улы Наил һәм килене Линуза тәрбиясендә гомер кичерә. Ветеран балаларының игелекләрен, оныклары куанычын күреп, авылдашлары ихтирамын тоеп яши. Аны олы юбилее белән район башлыгы урынбасары Гүзәл Гәрәева, социаль яклау бүлеге җитәкчесе Салават Фәретдинов һәм авылдашлары тәбрикләделәр, РФ Президенты Владимир Путинның Котлау хатын тапшырдылар.