Сарманда Елизавета апа Высоцкаяга 90 яшь тулды

Сарман авылында яшәүче, бар гомерен халыкка сәүдә хезмәте күрсәтү өлкәсенә багышлаган Высоцкая Елизавета Терентьевнага бүген 90 яшь тулды. Россия Президенты Владимир Путинның котлау открыткасын аңа район башлыгы урынбасары Гүзәл Гәрәева тапшырды. Ул Елизавета Терентьевнага район башлыгы Фәрит Хөснуллинның да истәлек бүләген алып килгән иде. Ветеранны "Шәфкать" халыкка социаль хезмәт күрсәтү үзәге директоры Гөлнара Хуҗина, Сарман авыл җирлеге башлыгы Илнур Хәсәнов та котладылар, иң изге теләкләрен ирештерделәр. Юбилярны котларга дип якыннары-туганнары да килделәр.