$itemmenu=
JRequest::getVar('option') =com_k2
JRequest::getVar('view') =itemlist

Иң күп укыла

Контакты

 

Филиал АО «ТАТМЕДИА» - Газета.

Адрес редакции:
423350, Республика Татарстан,
Сармановский район,
с.Сарманово, ул.Ленина, дом 17.
2-40-31 - директор
2-57-76 - отдел рекламы
2-42-33 - ответственный секретарь, корреспонденты
2-42-35 - бухгалтерия (факс)
Эл.адрес: sarmangazetam11@mail.ru

Издатель: АО "ТАТМЕДИА"
420066, г.Казань,
ул.Академическая, 2.

Татмедиа
Intertat
ИА Татар-информ
Бу мөһим
Бу мөһим

Бу мөһим (252)

Бүген, 25 сентябрь көнне, районда республиканың “Ак калфак” татар хатын-кызлары иҗтимагый оешмасы җитәкчелегендә “Сөлге туе” дип исемләнгән зур чара үткәрелде. Анда Россиянең 7 төбәгеннән һәм республиканың 27 районыннан йөздән артык кеше катнашты. Катнашучылар “Шәфкать” үзәгендә, үзәк мәчеттә, “Лилия” балалар бакчасында булдылар, Татар Илеге ял паркында һәм Иске Кәшер авыл җирлегендәге Кыпык Чишмә янында үткәрелгән тамашаларны карадылар. Сөлге туе район мәдәният йортында пленар утырыш белән төгәлләнде. Шушында ук милли гореф-гадәтләребезне, телебезне, мәдәниятебезне саклауда тырыш хезмәт куючылар хөрмәтләнде.

Бу хактагы тулырак язманы район газетасының киләсе саннарының берсендә укый аласыз. 

Дәвамы бар.....

Хөрмәтле сарманлылыр! Ленин урамында юл эшләре бару сәбәпле, анда керү тыелган. Шуңа күрә маршрутыгызны алдан җайлап планлаштыруыгыз сорала.

"Җирнең ясалма иярченен җибәрүгә 60 ел" тулу уңаеннан, Илексаз мәктәбендә төрле чаралар үтте. Мәктәпнең тәрбия эшләре буенча директор урынбасары Хәлиуллина Гөләндәм Гөлүс кызы класс сәгате уздырды. "Галәмгә Ю. Гагаринның беренчеләрдән булып күтәрелүе очраклы хәл түгел. Галәмгә кеше җибәрү баш конструктор Сергей Королевның фикере, тормыш максаты була. Галәм киңлекләрен беренчеләрдән булып ул өйрәнә. Галимнең конструкторлык бюросында Җирнең беренче ясалма иярчене төзелә.Иярченнең массасы-83,5 кг,ул Җир тирәли 1400 тапкыр әйләнеп чыга, 60 млн.км юл үтә.Ул көнне-1957 елның 4 октябрен – без кешелек тарихында космик эра башлану көне буларак беләбез, - диде ул. Үзенең чыгышын презентация ярдәмендә үреп барды. Укучылар ясап килгән рәсемнәрнең иң яхшылары билгеләп үтелде.\

 

Һәр көнне иртән торгач, һәрберебез алдагы көнгә планнар кора. Кемдер эшкә җыена, кемдер өйдә кала, укучылар белем йортына юнәлә. Кая гына барып, ни генә кылсак та, һәрбарчабыз гамәлләрнең изге булсын. Юлларыбыз, эшләребез уң булып, көннәребез тыныч үтсен.

Пенсия фонды идарәсе районның укучы яшьләре арасында социаль грамоталыкны һәм пенсия грамоталылыгын күтәрү максатыннан сентябрь аеннан аңлату эшләре кампаниясен башлап җибәрде. Ул декабрь азагына кадәр дәвам итәчәк.

Анда махсус урта уку йортлары һәм 9-11 класс укучылары өчен“Россия Федерациясендә пенсия белән тәэмин итү” дигән темага тематик факультатив дәресләр үткәрү, 29 сентябрьдә ”Барысы да пенсия турында - уку һәм тормыш өчен” методик кулланмасын презентацияләүне дә эченә алган “Бердәм пенсия грамоталылыгы көне” үткәрү, Пенсия фонды идарәсенә экскурсияләр оештыру, уку йортларында “Барысы да пенсия турында - уку һәм тормыш өчен” методик кулланмасын тарату каралган.

Коймак ясау өчен: 500 гр.кефир, 2-3 йомырка, 1-2 кашык песок, бераз тоз, ванилин, 0,5 калак чәй содасы, он кирәк. Бер савытка кефир, песок, йомырка, тозны салып болгатабыз. Шул массаны газга куеп бераз җылытып алабыз. Газдан алгач ванилин (яраткан кешегә) ,он салабыз да болгатабыз. Камырны куерак итәргэ кирәк. Соңыннан шул массага чәй содасы салабыз да, шунын өстенә яңа гына кайнап чыккан 1 кашык (агач кашык та ярый) кайнар су салабыз.Әкрен генә болгатабыз. Камырыбыз әче камыр кебек кабарып китә. Камыр әзер,майлы табада кыздырып кына аласы кала. Ашларыгыз тәмле булсын!

Социаль хезмәтләр җыелмасын яңадан торгызу турында гариза бирергә өлгерегез

 

Россия Пенсия фондының Татарстан Республикасы буенча бүлекчәсе исегезгә төшерә, социаль хезмәтләр җыелмасына хокуклы, әмма бу хезмәтләрне акчалата алучы гражданнар Пенсия фонды идарәсенә килеп, яисә Россия Пенсия фонды сайтында урнашкан Шәхси кабинет аша кире социаль пакет җыелмасына кайтырга хокуклы. Гариза 2018 елның 1 январеннән гамәлгә керә.

Социаль хезмәтләр җыелмасы түбәндәге хезмәтләрне үз эченә ала:

- Рецепт буенча дару препаратлары, рецепт буенча медиөина эшләнмәләре, инвалид балаларны тукландыру өчен специалләштерелгән продуктлар алу (807,94 сум);

- Төп чирләрне профилактикалау өчен санатор-курорт дәвалануына путевка (124,99 сум);

- Шәһәр яны тимер юл транспорты белән бушлай файдалану, дәвалануга бару-кайту чыгымнары (116,04 сум).

Социаль хезмәтләр җыелмасы алучы аеры категория социаль ташламалы гражданнарга ветераннар, инвалид балаларны да кертеп инвалидлар, бәлигъ булмаган фашизм тоткыннары, радиациягә дучар булганнар керә.

Бүгенгесе көнгә дәүләтнең социаль ярдәмен Татарстан Республикасы буенча 345 мең, район буенча 3380 кеше ала.

Күрәсеңме, миләш тәлгәшләре
Әйтерсең лә утлы ялкыннар
Шул ялкыннар йөрәгемә күчә
Минем хисләр - гүя ташкыннар.
 
Миләш тәлгәшләре - кулларымда
Күңелемдә - сихри моңнарым
Йөрәк яна сөю утларында
Әйтерсең лә яшьлек язларым.
 
Миләшләрем, миләшләрем минем
Сез әйтерсең утлы күмерләр.
Яндырыгыз әле йөрәгемне
Сөеп-сөелеп үтсен гомерләр.
 
Уттай янып җилгә тибрәлә
Ялкын төсле миләш тәлгәшләрем.
Коелмагыз әле...Бирешмәгез
Нык булыгыз сөю җимешләрем.(Рүзилә Гатауллина)
<< Беренчесе < Артка 1 2 3 4 5 6 7 8 9 10 Алга > Соңгысы >>
Страница 1 из 26

Бүген 25.09.17

Безнең төркем

 

Яңалыклар

« Сентябрь 2017 »
Дш Сш Чш Пш Җм Шб Яш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

© 2011 - 2017. САРМАН . Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте , возможна только с письменного согласия редакций СМИ.
При поддержке Республиканского агентства по печати и массовым коммуникациям «Татмедиа» 

Наименование СМИ: Сарман
№ свидетельства о регистрации СМИ, дата: Эл №ФС77-47640 от 07.12.2011

выдано Федеральной службой по надзору в сфере связи,
информационных технологий и массовых коммуникаций

ФИО Главного редактора: Сабирова Альбина Ашрафулловна
Адрес редакции: 423350, с. Сарманово, ул. Ленина, д.17
Телефон редакции: (85559) 2-40-31
Учредитель СМИ: ОАО «ТАТМЕДИА»

RSS