$itemmenu=
JRequest::getVar('option') =com_k2
JRequest::getVar('view') =itemlist

Иң күп укыла

Контакты

 

Филиал АО «ТАТМЕДИА» - Газета.

Адрес редакции:
423350, Республика Татарстан,
Сармановский район,
с.Сарманово, ул.Ленина, дом 17.
2-40-31 - директор
2-57-76 - отдел рекламы
2-42-33 - ответственный секретарь, корреспонденты
2-42-35 - бухгалтерия (факс)
2-52-10 - редакция местного радиовещания
Эл.адрес: sarmangazetam11@mail.ru

Издатель: АО "ТАТМЕДИА"
420066, г.Казань,
ул.Академическая, 2.

Татмедиа
Intertat
ИА Татар-информ
Закон һәм без
Закон һәм без

Закон һәм без (242)

Тер­рор ха­рак­те­рын­да­гы кур­кы­ныч яна­ган­да, Рос­сия Фе­де­ра­ци­я­се Фе­де­раль кур­кы­ныч­сыз­лык хез­мә­те­нең Та­тарс­тан Рес­пуб­ли­ка­сы бу­ен­ча ида­рә­се­нә 8 (843) 231-45-55 яки 8 (843) 231-45-45 те­ле­фон­на­ры бу­ен­ча хә­бәр итү со­ра­ла.

Коррупция күренешләренә юлыксагыз, түбәндәге телефоннар буенча шалтыратырга мөмкин

Аноним рәвештә шалтырату өчен ышаныч телефоны (Казаншәһәре): 8(843)231-45-45;

район эчке эшләр бүлегенең дежур хезмәте: 8(85559) 2-47-02;

район прокуратурасы: 8(85559) 2-41-66;

муниципаль район башлыгының коррупциягә каршы тору буенча ярдәмчесе Миннеголов Наил Нәҗип улы: 8(85559) 2-61-25;

коррупцион хокук бозуларны кисәтү буенча вазифаи зат Шәяхмәтова Гөлназ Кәшиф кызы: 8(85559) 2-43-38.

Җәмәгать урыннарында, күпкатлы йортларның баскыч мәйданчыкларында, ишек төпләрендә шикле күренгән әйберләргә тап булсаң, нишләргә? Күпләр бу сорауга ничек дип тә җавап бирергә белмидер. Ә бит иясез сумка, тартма, хәтта курчак эчендә шартлагыч матдә булуы мөмкин.

Әгәр шундый шикле әйбергә тап булгансыз, һәм ул анда торырга тиеш түгел, дип саныйсыз икән, чарасын күрегез. Әгәр ул әйберсез яши торган күпкатлы йортта икән, күршеләрегездән сораштырыгыз, бәлки, ул аларныкыдыр. Хуҗасы табылмаса, хокук саклау органнарына хәбәр итегез. Җәмәгать транспортында икән, янәшәдәге кешеләрдән сорагыз. Аларныкы булмаса, транспорт чарасын йөртүчегә әйтегез. Учреждениедә тап булсагыз, бу турыда сак хезмәтенә яки җитәкчелеккә җиткерегез. Әмма үзегез шикле әйбергә кагылмагыз, аны күчермәгез. Аны табу вакытын истә калдырыгыз. Якын-тирәдәге кешеләрнең мөмкин кадәр читкәрәк китүенә ирешегез. 0,33 лиртлы калай банкадан – 60 метр, чемоданнан (кейс) 230 метр, юл чемоданыннан 350 метр читкә китү кирәк. Оператив тикшерү төркеме килүен көтегез.

Әти-әниләр балаларына урамда, подъездда калдырылган мондый әйберләрнең тормыш өчен куркыныч булырга мөмкинлеген аңлатырга тиешләр.

Шикле әйбергә тап булган очракта, түбәндәге телефоннарның берсе буенча хәбәр итәргә кирәк. 02, 2-49-02 – Эчке эшләр министрлыгының район бүлеге; 8(85558)7-14-69, 89179398620 –Татарстан буенча Федераль куркынычсызлык хезмәтенең Зәй бүлекчәсе.

Шикле әйбергә тап булгач, мобиль телефоннан файдалану тыела.
 

Террор характерындагы куркыныч янаганда, Россия Федерациясе Федераль куркынычсызлык хезмәтенең Татарстан Республикасы буенча идарәсенә 8 (843) 231-45-55 яки 8 (843) 231-45-45 телефоннары буенча хәбәр итү сорала.

Бүген муниципаль район Советында районның террорга каршы комиссиясе утырышы булды. Иң элек район Советы аппараты җитәкчесе Фәндәс Вәлиевнең гражданнардан кергә мөрәҗәгатьләр белән эшләү һәм дәүләт муниципаль идарәсе органнарында башкару дисциплинасы турындагы чыгышы тыңланды. Эчке эшләр бүлегенең полиция начальнигы Газинур Мортазин, Ведомстводан тыш сак бүлеге начальнигы Илнар Мәрданов, Александровка авыл җирлеге башлыгы Рафаэль Фатыйхов Яңа ел, Раштуа бәйрәмнәренә әзерлек һәм аларны үткәрү чорында террор актларын кисәтү, җәмәгать куркынычсызлыгын көчәйтү буенча өстәмә чаралар турында чыгыш ясадылар. Утырышны муниципаль район башлыгы, комиссия рәисе Фәрит Хөснуллин алып барды, бәрәмнәрне хәвеф-хәтәрсез үткәрүне тәэмин итү буенча бурычлар куйды.

– Бәйрәмнәр вакытында таныш булмаган чит кешеләр, шикле әйберләр сагайтырга тиеш, -ди районның террорга каршы комиссиясе сәркатибе Наил Миңнеголов. – Өй кырында озак вакыт буш торган автомобильләргә, кыска вакытка арендага фатир яки бина алырга теләгән ят кешеләргә, күп итеп химик реактивлар, ацетон һәм шартлаткыч ясардай башка матдәләр сатып алырга теләүчеләргә игътибарлы булу сорала. Подъездларда, чардакларда, подвалларда иясез шикле сумкалар, пакетларга тап булсагыз, аларга кагылмагыз. Мондый очракларда Эчке эшләр министрлыгының район бүлегенә 02, 2-49-02, кесә телефоныннан 020 телефоннарына шалтырырга кирәк. Шулай ук Федераль куркынычсызлык хезмәтенең Зәй шәһәрендәге бүлекчәсенә 8(85558)7-14-69, 9179398620 телефоннарына яисә 112 бердәм коткару телефонына хәбәр итәргә мөмкин.

 

Узган атнада Җәлил администрациясендә бистә башлыгы Ленар Бадыйков җитәкчелегендә Яңа ел бәйрәме ялларында бистәдә куркынычсызлык булдыруга багышланган җыелыш үткәрелде. Җыелышта Сарман районы прокуроры урынбасары Ленар Рәхмәтуллин, Җәлил полиция бүлеге начальнигы Валерий Алексеев, Сарман районының элемтә бүлеге начальнигы Булат Әхмәдуллин, янгын сүндерү частенең янгын кисәтү бүлеге инженеры Лина Натарина чыгыш ясадылар. Бистәнең криминоген хәле, урнаштырылган видеоҗайланмалар һәм янгын куркынычсызлыгы чаралары турында сүз барды. 

“Россия Федерациясе Салым кодексының икенче бүлеге 217 нче маддәсенә үзгәрешләр кертү турында”гы 406 нчы Федераль Закон(30.11.2016) нигезендә тагын бер яңалык кертелде: сугыш хәрәкәтләрендә катнашучы ветераннарның ай саен түләнә торган түләүләренә физик затларга салына торган керем салымы салынмаячак. Ветераннар турындагы закон нигезендә сугыш хәрәкәтләрендә катнашучы ветераннарга бирелә торган ул түләүләргә салым салмау турында карар кабул ителде. Эш шунда: Россия Федерациясенең Конституцион суды, әлеге түләүләргә салым салуны Конституциягә туры килми, дип тапты.

Бу төзәтмәләр закон рәсми рәвештә басылып чыкканнан соң көченә кергән булып саналалар.

Айрат Рәхимҗанов, район прокуроры урынбасары.

Кибет, ресторан һәм кафеда ялган продукциягә ничек юлыкмаска?

Яңа елда бәйрәм кәефе бозылмасын дисәк, табындагы ризыкларның сыйфатлы булуын онытмаска кирәк. Сүз шулай ук исерткеч эчемлекләр хакында да бара. Сорау артуын сизеп, фальсификат җитештерүчеләр дә активлашты. Дәүләт тарафыннан аларга базарга юлны ябу өчен барлык чаралар күрелсә дә, җинаятьчеләр барыбер әмәлен таба. “Татспиртпром” АҖнең үзәк лабораториясе башлыгы Ирина Илларионова исерткеч эчемлекләр сатып алганда нәрсәгә игътибар итәргә кирәклеге хакында сөйләде.

1. Акциз маркасы, ЕГАИС

Кулдан, прилавка астыннан йә булмаса, имештер, турыдан-туры заводтан сатып алынган хәмернең барысы да — фальсификат. Легаль алкогольнең һәммәсе ЕГАИС системасында исәпкә алына, аның махсус федераль акциз маркасы бар. Кибетче саткан чагында кассада сканер ярдәмендә аның чынмы-ялганмы икәнлеген ачыклый. Әгәр марка “укылмаса”, ул ялган дигән сүз. Кибетләр сатуга чыны белән бергә ялган аракы куйган очраклар да булды. Бу, кагыйдә буларак, прилавка рәвешендәге вак-төяк сәүдә нокталары.

- Марка “укылырга” тиеш. Әгәр кибет шешәне кабул итеп алган икән, ул автомат рәвештә ЕГАИС аша үткәрелә. Кибетнең бурычы – аны исәпләү системасы аша уздыру. Әгәр марка “укылмый” икән, аны ниндидер сәбәпләр белән исәпләү системасы аша үткәрмәгәннәр дигән сүз. Мондый алкогольне сатарга ярамый.

2. Шешәгә игътибар белән карагыз

Фальсификациянең иң киң таралган алымы – шешәне икенчел куллану. Җитештерүчеләр сыйфатлы этикеткаларны файдалана, хәтта кулланудан соң да савыт карап торышка өр-яңа кебек була. Мошенниклар исә моннан бик оста файдалана – теләсә каян шешә җыеп, аңа үзләре җитештергән составында спирт булган сыеклык тутыра.

- Этикетка – искиткеч, монда сез бернигә дә бәйләнә алмыйсыз. Икенчедән – шешәнең бөкесе. Анда ике төрле мәгълүмат – тутырган көне һәм продукциянең алты урынлы уникаль коды (УКП) күрсәтелергә тиеш. Әгәр шик туса, “кайнар линия” телефонына (8 800 550 51 16) шалтырата аласыз, һәм белгечләр атаманың код (УКП) белән тәңгәл килүен тикшерәчәк.

3. Шешәгә ни тутыруларына игътибар итегез

Аракы үтә күренмәле, анда бернинди юшкын да, эремәләр дә булмаска тиеш. Әгәр болар бар икән – бу фальсификат дигән сүз. Аны арзанлы спирт нигезендә ясаган булырга мөмкиннәр. Эш шунда, әлеге спиртта кеше гомере өчен куркыныч тудыра торган метил спиртының бармы-юкмы икәнлеген төсе, исе яки тәме буенча билгеләү мөмкин түгел.

- Тәҗрибәле кулланучы исе һәм тәме буенча аның фальсификатмы-түгелме икәнлеген бу продуктны даими рәвештә кулланган очракта гына ачыклый ала. Әгәр сез кыйммәтле яхшы коньяк яки шампан шәрабы эчәсез икән, фужерда шикле эчемлек булуын шунда ук сизәчәксез. Әгәр үзегезгә таныш түгел брендны беренче тапкыр кулланасыз икән инде, берни дә тоймаячаксыз. Шуңа күрә исерткеч эчемлекләрне яхшы, сыналган кибетләрдә генә сатып алыгыз.  Бүген интернет аша сатыла торган коньяк, бренди, ром, төрле “экзотик” эчемлекләрдән агулану очраклары бик күп.

4. Бәясен сорагыз

Кибет киштәсендәге ярты литр аракының бәясе закон тарафыннан көйләнә – ул 190 сум тәшкил итә. Интернет яки такси аша, төнлә белән минималь бәягә яисә бераз кыйммәтрәккә тәкъдим ителгән хәмер – нигездә ялган. Үзегез уйлап карагыз: сатучы законны ачыктан-ачык бозуын белә торып, берничә сум акча эшлим дип мондый адымга нигә барыр икән? Күпчелек очракта, алкогольне минималь бәядән сатып алу өчен бердәнбер мөмкинлек – эре сәүдә челтәрләрендәге акцияләр.

- Сыйфатлы әйбер арзан тормый, шуны онытмаска кирәк. Бу – ашказанына нача тәэсир итә торган куллану вакыты чыккан сырок кына түгел. Ялган аракы кешене “теге дөнья”га да озатырга мөмкин. Нигә тормышны куркыныч астына куярга? Иң яхшысы: аракыны яхшы кибеттән сатып алу.

Авыл кибетләре

ЕГАИС авыл кибетләренә әле барып җитмәде. Аларга 2017 елның июленә кадәр вакыт бирделәр. Авыл кибетләрендә сатып алучылар иң элек шешәнең бөкесенә һәм аңа ни тутыруларына игътибар итәргә тиеш. Шунысы кызганыч: кибетчедә тиешле барлык документлар булса да, бу - продукциянең сыйфатлы икәнлегенә 100 процент гарантия түгел. Чөнки легаль алкоголь белән бергә алар фальсификат белән дә сату итәргә мөмкин бит.

Барлар

Ялган аракы, нигездә, чәркәханәләр һәм барларда сатыла. Дөрес, алар заводта җитештерелгән продукцияне сатып ала алуын, әмма анысы эчелеп беткәч, “сатучы”га бушаган шешәләргә биш литрлы канистрадан теләсә нәрсә тутырырга беркем дә комачауламый бит.

Рестораннар

Биредә дә – шул ук хәл. Шунлыктан алкогольгә заказ биргәндә, бөкесе ачылмаган шешә китерүләрен сорагыз. Әгәр ресторандагы кагыйдәләр буенча исерткеч эчемлекләрне шешәдән агызырга рөхсәт ителми икән, официант сезнең алда  аның бөкесен ачарга һәм графинга тутырырга тиеш.

Завод аракысы

Кайбер сатучылар алкогольнең арзан торуын аны турыдан-туры заводтан алулары белән аңлата. Бу – мөмкин хәл түгел, чөнки заводның берәмләп сату өчен лицензиясе юк. Соңгы вакытта хәмерне биш литрлы канистрада сату очраклары ешаеп китте. Янәсе, бу - “Татспиртпром” продукциясе, күмәртәләп сатылгач бәясе дә арзанрак.

- Завод пластик канистраларга берни дә тутырмый. Хәтта предприятиедән спиртны шундый күләмдә яшерен юллар белән алып чыгуы да мөмкин түгел, чөнки бездә спирт ЕГАИС системасында исәпкә алынган. Без әлеге канистраларга тутырылган эчемлекне тикшердек, анализ ясадык, әмма спиртның “Татспиртпром”ныкы икәнлеге бер мәртәбә дә расланмады.

Сыйфат контроле

Завод продукциясе җитештерүнең барлык стадияләрендә (тартма, ашлык яки шәраб материаллары, су кулланудан алып, әзер партиянең сыйфатын тикшерүгә кадәр) күп баскычлы сыйфат контроле уза.

Эчке контрольдән тыш, ТР Дәүләт алкоголь инспекциясе һәм алкоголь базарын җайга салу Федераль хезмәте белгечләре дә продукцияне күз уңыннан үткәрә.

Соң­гы ел­лар­да рес­пуб­ли­ка­быз­да “Кур­кы­ныч­сыз Та­тарс­тан” про­ек­ты эш­ләп ки­лә. Аны тор­мыш­ка ашы­ру кы­са­ла­рын­да ав­то­ма­гист­раль­ләр­дә һәм ха­лык күп җы­е­ла тор­ган урын­нар­да ви­де­о­кү­зә­тү җай­лан­ма­ла­ры ур­наш­ты­рыл­ган иде.

Про­ект­ның икен­че эта­бы – “Кур­кы­ныч­сыз ишегал­ды”– бар­лык шә­һәр­дә­ге йорт­лар­да һәм йорт ти­рә­лә­рен­дә ви­де­о­кү­зә­тү җай­лан­ма­ла­ры ур­наш­ты­ру­ны күз­дә то­та. Прог­рам­ма­ны тор­мыш­ка ашы­ру бе­лән Та­тарс­тан Рес­пуб­ли­ка­сы­ның Эч­ке эш­ләр ми­нистр­лы­гы һәм Мәгъ­лү­мат­лаш­ты­ру һәм э­лем­тә ми­нистр­лы­гы шө­гыль­лә­нә, ә төп баш­ка­ру эш­лә­ре “Тат­те­ле­ком” ачык ак­ци­о­нер­лык ­җәм­гы­я­те­нә йөк­лән­гән. Эч­ке эш­ләр ми­нистр­лы­гы хез­мәт­кәр­лә­ре­нең са­ны утыз про­цент­ка кыс­кар­тыл­ган­нан соң бу прог­рам­ма­ның за­рур­лы­гы та­гын да арт­ты. Җә­лил бис­тә­сен­дә ул ае­ру­ча ак­ту­аль, чөн­ки 1 но­ябрь­дән би­ре­дә ве­домст­во­дан тыш сак бү­ле­ге ябыл­ды, һәм 14  мең­нән ар­тык хал­кы бул­ган бис­тә­нең кри­ми­но­ген  вәз­гы­я­те шөб­һә ту­ды­ра.  

Шу­ны әй­теп ки­тәр­гә ки­рәк, Җә­лил­нең кри­ми­но­ген хә­ле эле­кке ел­лар­да да мак­та­ныр­лык тү­гел иде, ә ве­домст­во­дан тыш сак бү­ле­ге ябыл­ган­нан соң ха­лык ара­сын­да: “Хо­кук бо­зу­чы­лар, го­му­мән, ир­ке­нә­еп кит­мәс­ләр­ме?” - ди­гән со­рау туа баш­ла­ды. Бис­тә бу­ен­ча ви­де­о­кү­зә­тү җай­лан­ма­ла­ры ур­наш­ты­ру әле­ге си­ту­а­ци­я­не ях­шы як­ка үз­гәр­тер, дип кө­те­лә. Ви­де­о­су­рәт­ләр ту­ры­дан-ту­ры ра­йон­ның эч­ке эш­ләр бү­ле­ге­нә һәм бистә советына ба­ра­чак. Җә­лил­нең ты­ныч бул­ма­ган урам­на­рын­ла “зум”­лы (ви­де­о­сурәт­ләр­не якы­най­тып күр­сә­тү­че) ка­ме­ра­лар ур­наш­ты­ры­ла­чак.

Ви­де­о­кү­зә­тү җай­лан­ма­ла­ры җи­на­ять­ләр­не ачык­лау өчен ге­нә тү­гел, ә алар­ны бул­дыр­мый­ча ка­лу өчен дә ки­рәк дип са­ныйм, - ди Җә­лил бис­тә­се­нең по­ли­ция бү­ле­ге на­чаль­ни­гы ва­зый­фа­ла­рын баш­ка­ру­чы Ва­ле­рий Алек­се­ев.

Ра­йон элем­тә бү­ле­ге на­чаль­ни­гы Бу­лат Әх­мә­дул­лин әй­тү­ен­чә, бу ел аза­гы­на ка­дәр Җә­лил­дә бар­лы­гы 215 ви­де­о­кү­зә­тү җай­лан­ма­сы ку­е­ла­чак.

 – Бү­ген­ге көн­дә ви­де­о­ка­ме­ра­лар өчен ли­ния су­зыл­ды, сер­вер­лар ур­наш­ты­ры­ла. Ка­ме­ра­лар­ның бер өле­ше де­кабрь ур­та­ла­рын­нан эш­ли баш­ла­я­чак дип кө­те­лә, - ди ул. 

Ә тү­ләве, Сар­ман­ и­да­рә­че ­ком­па­ни­я­се на­чаль­ни­гы Ал­маз Мәү­лә­ви­ев сүзләреннән аңлашылганча, ай­га һәр фа­тир­га якын­ча 40 сум булырга мөмкин.

Җә­ли­ле­без­дә мон­дый ви­де­о­кү­зә­тү җай­лан­ма­ла­ры ур­наш­ты­ры­лу­ны бик ки­рәк дип са­ныйм, - ди Альбина Арсланова. — Әле күп­тән тү­гел ге­нә ма­ши­на­лар­ның ак­ку­му­ля­то­рла­рын ур­лау, бак­ла­рын ачып, бен­зин агы­зу оч­рак­ла­ры бул­ды. Бе­лә то­рып, ка­ме­ра ас­тын­да ан­дый тү­бән­лек­кә бар­мас­лар иде. Бу ви­де­о­ка­ме­ра­лар­ны иха­та­лы йорт­лар­га да куй­сын­нар иде. Урам­на­ры­быз бик ау­лак, җәй җи­тү бе­лән, я “ме­тал­ло­лом җы­я­быз” дип, я “су кер­тә­без” дип, те­лә­сә кем иха­та­га ки­леп ке­рә. Урам­га берни­чә ка­ме­ра ур­наш­тыр­са­лар, мон­дый “эш­че­ләр” дә йө­рү­лә­рен тук­татыр­лар иде, ба­ла­лар­ны да уй­нар­га ты­ныч кү­ңел бе­лән чы­га­рып җи­бә­рер идек.

Җә­лил бис­тә Со­ве­ты и­да­рә­че ­ком­па­ни­я бе­лән бер­лек­тә да­и­ми рә­веш­тә “Кур­кы­ныч­сыз ишегал­ды” прог­рам­ма­сы бу­ен­ча ха­лык җы­ен­на­ры үт­кә­реп то­ра.

"САРМАН":иң яңа хәбәрләр!" төркемендәге сораштыру нәтиҗәләре

 

 

Республика судлары үз продукциясен “Татспиртпром” акционерлык җәмгыяте маркасы астында сата торган ялган аракы җитештерүчеләрдән миллионнарча сум акча түләттерә.

Роспотребнадзорның Татарстан буенча идарәсе республикада суррогат алкоголь белән агуланучылар саны кимүдә тотрыклы тенденция күзәтелүен билгеләп үтә. Моңа нигездә исерткеч эчемлекләр белән сәүдә итүдә ЕГАИС – бердәм дәүләт автоматлаштырылган мәгълүмати системасын гамәлгә кертү ярдәмендә ирешелде. Әлеге система ялган аракыны легаль сәүдә нокталары аша сату мөмкинлеген тулысынча диярлек юкка чыгарды. Хәзер махсус җиһаз ярдәмендә исерткеч эчемлек, шулай ук аның кайда җитештерелүе турындагы бөтен мәгълүмат турыдан-туры алкоголь базарын җайга салу буенча Федераль хезмәткә җибәрелә һәм ялган продукция ачыкланган очракта, сатучыларны зур күләмдә штрафлар көтә. ЕГАИС гамәлгә кертелгәннән бирле Татарстанда бер генә мондый очрак та ачыкланмаган.

Шуңа да карамастан, быелның 6 аенда республикада 593 кеше сыйфатсыз алкоголь белән агуланган, шуларның 172се якты дөнья белән хушлашкан. Бу – узган елга караганда ике тапкырга диярлек кимрәк.

ЕГАИСтан тыш, сыйфатсыз аракыдан агулану очракларының кимүендә Татарстанда эшләнгән котрафакт алкогольгә каршы көрәш буенча нәтиҗәле методика зур роль уйный, ул җиңел генә килгән акчага һәм аз күләмдәге штрафларга күнеккән бутлегерларның кесәсенә суга. Хәзер ялган аракы җитештерү һәм сатуда тотылган бутлегерларның продукциясен конфискацияләү белән бергә, аларга карата җинаять эше дә кузгатылачак. Ә хөкем карарыннан соң товар билгесе хуҗасы алардан үз брендын законсыз төстә кулланган өчен зур күләмдә акча түләттерә. Котрафакт алкоголь сату һәм җитештерү очракларына чик кую буенча үткәрелгән чараларның күпчелегендә “Татспиртпром”АҖнең Куркынычсызлык идарәсе белгечләре дә катнашты, аларның күбесенә Татарстан буенча Эчке эшләр министрлыгының территориаль органнары Мактау грамоталары тапшырылды.

Узган елның ноябрендә ТР Эчке эшләр министрлыгының Икътисади куркынычсызлык һәм коррупциягә каршы тору идарәсе оперативниклары Лаеш районының Комлы Кавал бистәсендә яшәүче Сергей Даниловтан «Граф Ледофф», «Русская Валюта» һәм «Голубое озеро» маркасы астында җитештерелгән зур күләмдә аракы партиясен ала. Экспертиза продукциянең ялган гына түгел, сәламәтлек өчен куркыныч булуын да ачыклый. Ир-атка карата җинаять эше кузгатыла. Быелның 4 июлендә Лаеш район суды аннан дәүләт файдасына 71 мең сум штраф түләттерү турында хөкем карары чыгара. Хөкем карарын җиренә җиткерү өчен суд бутлегерның ВАЗ һәм Nissan автомобильләренә арест сала. Тик эш моның белән генә төгәлләнми әле. Хәзерге вакытта Лаеш районы суды “Татспиртпром”ның  Сергей Даниловтан компаниянең товар билгеләрен законсыз төстә файдаланган өчен 3 миллион сум күләмендә компенсация түләттерү турындагы дәгъвасын карый.

Сентябрь аенда Спас районы суды  Денис Дмитриев, Михаил Гриненко, Ирина Подгорнова, Сергей Кузовкин һәм Суссан Арутюнянга карата хөкем карары чыгара. Алар узган елның маеннан октябрь аена кадәр Болгарда - «Лотос», «Корзинка», «Сова» һәм «NUR»* кибетләр челтәре аша сәламәтлек өчен кукыныч тудырган ялган алкоголь продукциясе сату белән шөгыльләнгән. Тентегән вакытта алардан “Татспиртпром” АҖ бренды астында җитештерелгән зур күләмдә контрафакт хәмер, шул исәптән 113 шешә - «Граф Ледофф», 79 шешә - «Усадская хлебная», 30 шешә - «Казанская престижная», 8 шешә - «Старая Казань» һәм 10 шешә  «Вайс» аракысы, барлыгы 1607,75 литр суррогат алынган.

Суд бутлегерларга карата 4 елдан 8 елга кадәр шартлы рәвештә иректән мәхрүм итү һәм 400 меңнән 800 мең сумга кадәр штрафка тарту турында хөкем карары чыгарган. Моннан тыш, “Татспиртпром” АҖ хөкем ителүчеләрдән брендны законсыз төстә файдаланган өчен 2 миллион 680 мең сум күләмендә акча түләттерергә ниятли.

Казанның Идел буе районы судында исә хәтта Россия күләмендә дә моңарчы күрелмәгән эш (суррогат алкоголь сатучылар җинаятьчел төркеме оештыру турында) карала. Суд каршына 21 яшьтән 48 яшькә кадәрге 11 кеше басты. 10 фигурант – сак астына алынган, шул исәптән берсе – өй сагында. Тагын берсенә беркая да китмәү турында подписка бирелгән. Әлеге төркемдәге ике кеше - федераль эзләүдә, ә төп гаепләнүче, 42 яшьлек Станислав Федоров халыкара эзләүгә бирелгән. Тикшерү мәгълүматлары буенча, ул Израильдә качып ята һәм хәзерге вакытта РФ Генераль прокуратурасы аны органнарга тапшыру процедурасын алып бара. Аларның барысына да берничә маддә буенча гаепләү белдерелә: “җинаятьчел төркем оештыру”, “товар билгесен законсыз төстә файдалану”, “куркынычсызлык таләпләренә җавап бирми торган эшләр башкару яисә хезмәт күрсәтү, товар яки продукция җитештерү, саклау, ташу яки сату”. 

Тикшерүчеләр фаразлавынча, 2012-2015 елларда төркем әгъзалары Татарстанга Самара һәм Ульяновск өлкәләреннән спирт алып кайтып, Казанның Авиатөзелеш һәм Идел буе районнарында алардан ялган аракы ясаган. Араларында “Татспиртпром”ның танылган брендлары: «Граф Ледофф», «Усадская хлебная», «Казанская престижная», «Старая Казань», шулай ук чит ил маркалары: «Hennessy XO» коньягы, «Johnnie Walker Red Label» маркалы виски, «Jack Daniels», «OLMECA» текиласы һ.б. бар. Фирма этикеткалары ябыштырылган шешәләр һәм акциз маркаларын кунакханә барлары һәм рестораннарында сатып алганнар. Әзер продукцияне шунда ук, күбесенчә күңел ачу биналарында, шулай ук ваклап сәүдә итү нокталарында сатканнар.

Узган елның июлендә яшерен цехларда тентү үткәргән вакытта оперативниклар 63 меңнән артык шешә, 26 тонна спирт, 23 тонна составында спирт булган продукцияне конфискацияләгән. Җинаять эше материалларыннан күренгәнчә, оригиналь шешәләр запасын булдыру өчен, гаепләнүчеләр пыяла савыт кабул итү пунктларында һәм чәркәханәләрдә файдаланылган савыт-саба җыюны оештырган.

Экспертиза күрсәткәнчә, әйләнештән алынган контрафакт алкоголь тормыш һәм  сәламәтлек өчен куркыныч. Оешкан җинаятьчел төркемгә карата штрафларның гомуми  күләме 15 миллион сумнан да артып китәргә мөмкин. Моннан тыш, җинаять эше кысаларында, «Татспиртпром» товар билгесеннән законсыз төстә файдаланган өчен  компаниягә килгән 6 миллион сумлык икътисади зыянны түләттерү турында судка дәгъва бирде.

Ялган аракы сату нокталарын ачыклауда халык та ярдәмгә килә. Татарстанда Дәүләт  алкоголь инспекциясенең «кайнар линия» телефоны эшли: 8 (843) 278-92-79. Татарстан Республикасы Дәүләт хезмәтләре сайтының «Халык контроле» бүлегендә дә мәгълүмат  калдырырга мөмкин. Узган ел Татарстанда ялган спирт җитештерү һәм сату фактлары турында хәбәр итүчеләрне бүләкләү системасы эшли башлады. Мәгълүмат расланса, 100 һәм аннан күбрәк литр фальсификат әйләнештән алынса яки җинаять эше кузгатылса, хәбәр бирүчегә – 3 мең, 10нан 100 литрга кадәр суррогат конфискацияләнгән очракта – 2 мең, әгәр әйләнештән алынган ялган аракының күләме 10 литр яки аннан азрак булса яисә ул конфискацияләнмәсә, әмма закон бозу очрагы расланса (мисал өчен, исерткеч эчемлекләрне төнлә сату) 1 мең сум акча тапшырылачак.

*НУР

 

<< Беренчесе < Артка 1 2 3 4 5 6 7 8 9 10 Алга > Соңгысы >>
Страница 1 из 25

Бүген 21.01.17

Котлыйбыз!

Смотреть все новости

Безнең төркем

 

Яңалыклар

« Гыйнвар 2017 »
Дш Сш Чш Пш Җм Шб Яш
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Арифметика террора 16+

© 2011 - 2017. САРМАН . Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте , возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ 

Наименование СМИ: Сарман
№ свидетельства о регистрации СМИ, дата: Эл №ФС77-47640 от 07.12.2011

выдано Федеральной службой по надзору в сфере связи,
информационных технологий и массовых коммуникаций

ФИО Главного редактора: Сабирова Альбина Ашрафулловна
Адрес редакции: 423350, с. Сарманово, ул. Ленина, д.17
Телефон редакции: (85559) 2-40-31
Учредитель СМИ: ОАО «ТАТМЕДИА»