$itemmenu=
JRequest::getVar('option') =com_k2
JRequest::getVar('view') =itemlist

Иң күп укыла

Контакты

 

Филиал АО «ТАТМЕДИА» - Газета.

Адрес редакции:
423350, Республика Татарстан,
Сармановский район,
с.Сарманово, ул.Ленина, дом 17.
2-40-31 - директор
2-57-76 - отдел рекламы
2-42-33 - ответственный секретарь, корреспонденты
2-42-35 - бухгалтерия (факс)
Эл.адрес: sarmangazetam11@mail.ru

Издатель: АО "ТАТМЕДИА"
420066, г.Казань,
ул.Академическая, 2.

Татмедиа
Intertat
ИА Татар-информ
Закон һәм без
Закон һәм без

Закон һәм без (262)

Роспотребнадзор идарәсе язган мәгълүматларга караганда, Әлмәтнең шәһәр күлендә кабат су коенырга ярамый. 

Билгеле булганча, судан анализ атна саен алына. 27 июль торышы шәһәр күленең микробиологик күрсәткечләр буенча гигиена таләпләренә туры килмәвен күрсәткән.

 

Дүрт яшьлек кызның сәламәтлегенә зыян килмәгән.

(Казан, 25 июль, "Татар-информ", "Әлмәт таңнары").  Кичке сигезләр тулып килгәндә 112 хезмәтенә әлмәтлеләр шалтыратып, Төзүчеләр проспектындагы 47 нче йортның бишенче кат балконы козырегында бер кыз бала басып торуын әйтәләр, – дип яза "Әлмәт таңнары" газетасы.

Шунда ук урынга коткаручылар бара. Алар арадаш балконнан альпинист җайланмасы белән күтәрелеп, кызчыкны фатирга тартып төшерәләр. Балага зыян килми. Ул кайтып җиткән ата-анасы кулына тапшырыла.

16 июль көнне Сарман районы территориясендэ Җәлил – Сарман юлының 12 км да юл һәлакәте булган иде. ГАЗ машинасын йөртуче Азнакай гражданины Сарман ягыннан Азнакайга таба икенче ГАЗ машинасын тарттырып барганда, юл чатында сулга борылу маневрын башкарганда, икенче яктан килуче ВАЗ 211440 машинасына юл бирмәү нәтижәсендә бәрелешу була.

Ваз машинасының пассажиры бәрелешу нәтижәсендә тән жәрәхәтләре алды.

 

Район ЮХИДИ булекчәсе.

Татарстан Республикасы Эчке эшләр бүлеге хәбәр иткәнчә, республика территориясендә мошенниклар һөҗүм итүе очраклары күбәйгән. Алар, ышанычка кереп, банк картасы мәгълүматларын алалар.Мошенниклар "барлык төр хезмәт күрсәтәбез", дип алдыйлар. Ышанган кешеләр аларга картаның барлык мәгълүматларын бирәләр.

Әгәр мондый очрак булса, полициянең участок уполномоченныега шалтыратырга кирәк. 

Татарстан Республикасы Эчке эшләр бүлеге хәбәр иткәнчә, республика территориясендә мошенниклар һөҗүм итүе очраклары күбәйгән. Алар, ышанычка кереп, банк картасы мәгълүматларын алалар.Мошенниклар "барлык төр хезмәт күрсәтәбез", дип алдыйлар. Ышанган кешеләр аларга картаның барлык мәгълүматларын бирәләр.

Әгәр мондый очрак булса, полициянең участок уполномоченныега шалтыратырга кирәк. 

Җәмәгать урыннарында, күпкатлы йортларның баскыч мәйданчыкларында, ишек төпләрендә шикле күренгән әйберләргә тап булсаң, нишләргә? Күпләр бу сорауга ничек дип тә җавап бирергә белмидер. Ә бит иясез сумка, тартма, хәтта курчак эчендә шартлагыч матдә булуы мөмкин.

Әгәр шундый шикле әйбергә тап булгансыз, һәм ул анда торырга тиеш түгел, дип саныйсыз икән, чарасын күрегез. Әгәр ул әйберсез яши торган күпкатлы йортта икән, күршеләрегездән сораштырыгыз, бәлки, ул аларныкыдыр. Хуҗасы табылмаса, хокук саклау органнарына хәбәр итегез. Җәмәгать транспортында икән, янәшәдәге кешеләрдән сорагыз. Аларныкы булмаса, транспорт чарасын йөртүчегә әйтегез. Учреждениедә тап булсагыз, бу турыда сак хезмәтенә яки җитәкчелеккә җиткерегез. Әмма үзегез шикле әйбергә кагылмагыз, аны күчермәгез. Аны табу вакытын истә калдырыгыз. Якын-тирәдәге кешеләрнең мөмкин кадәр читкәрәк китүенә ирешегез. 0,33 лиртлы калай банкадан – 60 метр, чемоданнан (кейс) 230 метр, юл чемоданыннан 350 метр читкә китү кирәк. Оператив тикшерү төркеме килүен көтегез.

Әти-әниләр балаларына урамда, подъездда калдырылган мондый әйберләрнең тормыш өчен куркыныч булырга мөмкинлеген аңлатырга тиешләр.

Шикле әйбергә тап булган очракта, түбәндәге телефоннарның берсе буенча хәбәр итәргә кирәк. 02, 2-49-02 – Эчке эшләр министрлыгының район бүлеге; 8(85558)7-14-69, 89179398620 –Татарстан буенча Федераль куркынычсызлык хезмәтенең Зәй бүлекчәсе.

Шикле әйбергә тап булгач, мобиль телефоннан файдалану тыела.

Районда Башкарма комитет җитәкчесе карары белән 499 санлы “2015-2020 елларга Татарстан Республикасы Сарман муниципаль районында коррупциягә каршы политиканы тормышка ашыру” (28.11.2014) программасы расланган иде. Районда коррупция белән көрәш чаралары әлеге программа нигезендә тормышка ашырыла. Район башлыгының коррупциягә каршы буенча ярдәмчесе Гөлнара Әлмөхәммәтованың чыгышы – шул хакта.

- Программаны тормышка ашыру максатыннан, түбәндәгеләр башкарылды: коррупциягә каршы көрәш буенча норматив хокукый актлар эшләнде, районның муниципаль, шул исәптән җирлек хезмәткәрләренең  хокукый белемнәрен үстерү буенча чаралар күрелде.  Мәктәп укучыларына да коррупциянең нәрсә икәнлеге, аңа каршы көрәш буенча аңлатма бирелде. Коррупциягә каршы көрәш комиссиясенең эшен нәтиҗәле, җирле үзидарә органнарының эшчәнлекләрен һәркем өчен ачык итү буенча эш алып барылды.  Вакантлы муниципаль хезмәт вазифаларына кешеләр эшкә конкурс һәм закон таләпләре нигезендә кабул ителәләр. Муниципаль мөлкәтне исәпкә алуны камилләштерү, аны нәтиҗәле куллану буенча эш алып барыла. Аның бер ысулы – “Халык инвентаризациясе”. Җир участокларын файдаланучылар белән хокукка дәүләт теркәве үткәрү буенча эш дәвам итә.

- Районда коррупциягә каршы көрәш башында район башлыгы үзе тора. Бу - әлеге тармактагы эш аның тарафыннан контрольдә тотыла, дигән сүз.

- Әйе. Моннан тыш, программада каралган бурычларны хәл итү, коррупцияне кисәтү максатыннан район башлыгы гражданнарны кабул итүне дәвам итә, коррупция фактлары буенча хәбәр итү өчен “Кайнар линия” эшли, районның рәсми сайтында да гражданнарга коррупция фактлары турында хәбәр итү мөмкинлеге тудырылды, һәр җирлектә һәм кешеләр күп була торган урыннарда “Ышаныч тартмалары” урнаштырылды.

Сатып алуларны нәтиҗәле планлаштыру максатыннан, быел районның бөтен заказ бирүчеләре сатып алуларның планнарын һәм графикларын бердәм мәгълүмати системадагы рәсми сайтта шәхси кабинетлар аша формалаштырдылар.

- Коррупциягә каршы көрәш максатыннан тагын нинди чаралар күрелә?

- Коррупциягә каршы экспертиза хокукый актлар һәм аларның проектларына коррупциягә каршы экспертиза үткәрү методикасы нигезендә уздырыла. Аны үткәрү буенча җаваплы итеп район Советы аппараты белгеч-юристы билгеләнде. Район белән район составындагы һәр җирлек арасында җирлекнең хокукый актларына һәм аларның проектларына коррупциягә каршы экспертиза үткәргәндә бергәләп эшләү турында килешү төзелде.

Җәмәгатьчелек белән элемтәне ныгыту, халык арасында пропаганда алып бару, җирле үзидарә органнарында ачыклыкны тәэмин итү максатыннан җәмәгать оешмалары белән тыгыз элемтә урнаштырылды. Коррупциягә каршы көрәш комиссиясе утырышларында районның Җәмәгать, ветераннар советлары рәисләре, район мөхтәсибе катнаша.

- Халык муниципаль хезмәткәрләрнең керемнәре һәм чыгымнары контрольдә тотылу яки тотылмау белән дә кызыксына.

- Муниципаль хезмәткәрләрнең, аларның тормыш иптәшләренең, балигъ булмаган балаларының керемнәре, чыгымнары, мөлкәтләре турындагы мәгълүматларны тулы һәм дөрес итү максатыннан, салым инспекциясенә, эчке эшләр, дәүләт теркәве, кадастр һәм картография бүлекләренә запрослар җибәрелә. Быел шундый 153 тикшерү үткәрелде. Муниципаль учреждениеләрнең җитәкчеләре, хезмәткәрләре белән мондый мәгълүматларны вакытында һәм дөрес итеп җибәрергә кирәклеге турында сөйләшүләр алып барыла. Бу хакта консультацияләр, муниципаль хезмәткәрләр, җирлек башлыклары белән семинар үткәрелде. Муниципаль хезмәт турындагы законнарны үтәү, коррупциягә каршы көрәш йөзеннән, муниципаль хезмәткә дәгъва кылучыларның район эчке эшләр бүлегеннән хөкемгә тартылмаганлыклары, юридик зат яки шәхси эшмәкәр түгел икәнлекләре турында белешмәләр алына.

Агымдагы елның I яртыеллыгында бер муниципаль хезмәткәргә карата муниципаль хезмәт турындагы законнарны бозу-бозмавы буенча тикшерү үткәрелде. Закон бозу  ачыкланмады. Муниципаль хезмәткәрләрне коррупциягә җәлеп итәргә тырышу очраклары турында мәгълүматлар теркәлмәде. Шуны да әйтергә кирәк: район сайтында “Коррупциягә каршы көрәш” бүлегендә муниципаль хезмәткәрләрнең керемнәре, чыгымнары, мөлкәтләре яки  мөлкәти характердагы бурычлары һәм сайт адреслары турындагы  мәгълүматлар урнаштырылды.

Әңгәмәдәш – Зөлфия Шәрипова.

 

Лотереядагы отыш

Төрле реклама акцияләре, лотерея уеннары үткәрү белән бәйле рәвештә, бигрәк тә радиостанцияләр катнашында булганда, мошенниклар аларны үз эчәнлекләрен яшерү һәм кешеләрне алдау өчен еш кулланалар. Дөрес, экспресс-түләү карточкалары акчаны счетка күчерү процедурасын гадиләштерделәр, ләкин шул ук вакытта мошенниклар өчен яңа мөмкинлекләр дә ачтылар. Бу ничек башкарыла соң? Сезнең кәрәзле телефонга үзен популяр радиостанциянең алып баручысы дип таныштыручы кеше шалтырата һәм радиостанция һәм мобиль элемтә операторы оештырган лотерея уенындагы эре отышыгыз белән котлый. Бу телефон, ноутбук, хәтта автомобиль дә булырга мөмкин. Призны алу өчен, бер минут дәвамында радиостанциягә шалтыратырга кирәк. Шалтыратучыга приз бүлеге хезмәткәре җентекләп уенның шартларын аңлата, исем-фамилияне һәм туган елыгызны атауны сорый, акциянең гаделлеге хакында дәлилләп ышандыра. Аннан соң абонентның экспресс-түләү картасыннан үз номерына акча күчерә аламы-юкмы икәнлеген белешә, бер сәгать эчендә күрсәтелгән суммага теләсә-кайсы номиналдагы экспресс-түләү картасын әзерләргә кирәклеген һәм, җиңүченең персональ номерын теркәү һәм бирү өчен, тагын бер тапкыр шалтыратырга кирәклеген аңлата. Нинди номерга шалтыратырга кирәклеген,  приз алу өчен нишләргә кирәклеген әйтә. Моның өчен, ягъни шатлыклы вакыйганы рәсмиләштерү өчен, шундый-шундый көнне 10.00 сәгатьтән 20.00 сәгатькә кадәр паспорт, кәрәзле телефон, персональ номер белән күрсәтелгән адрес буенча килергә кирәк була. Әгәр нинди дә булса сәбәпләр аркасында абонент бер сәгать эчендә экспресс-карта сатып ала алмый икән, алга таба нишләргә кирәклеге турында сөйләшү өчен барыбер шалтыратырга тиеш була. Соңыннан мошенник  картаны активлаштыру тәртибен өйрәтә: саклагыч катламны бозарга, приз бүлегенә шалтыратырга, элемтә операторга күчкән очракта – үзеңнең кодларыңны хәбәр итәргә. Янәсе, оператор аларны абонент номерына активлаштыра, ә приз бүлеге аның дөрес эшлиме-юкмы икәнлеген контрольдә тота, соңыннан аңа персональ номер бирә һәм “җиңүче” шуның белән приз артыннан барырга тиеш була. Әгәр сез картаны үз номерыгызга үзегез активлаштырырга  һәм кәрәзле элемтә компаниясеннән раслаучы документлар белән үзегез килергә тәкъдим итсәгез, моны “реклама акциясенең кагыйдәләрен бозу” дип игълан итәчәкләр.

Банк картасы ПИН-коды аша

Банк картасы – түләү башкару һәм банкка бармыйча гына счеттагы акча белән идарә итү өчен кулланыла торган инструмент. Ләкин банк карталарын файдалануның гадилеге мошенниклар өчен күп “тишек”ләр калдыра. Бу ничек була соң? Сезгә “банк картагыз блокировкаланган” дигән хәбәр килә. Соңыннан сезгә, җентекле мәгълүмат алу өчен, билгеле бер номерга түләүсез шалтыратырга тәкъдим итәләр. Сез бу номерга шалтыраткач, сезгә “серверда тоткарлык” диләр һәм, яңадан теркәү өчен, карта номерыгызны һәм ПИН-кодыгызны әйтүне сорыйлар. Ә чынлыкта исә хәл болай тора. Сезне талау өчен, мошенникка сезнең счет номеры гына кирәк. Мондый очракта нишләргә? Картагызның реквизитларын хәбәр итәргә ашыкмагыз! Бер генә оешма да, шул исәптән банк та, сезнең ПИН-кодыгызны таләп итәргә хокуклы түгел. Картагызның блокировкаланган булуы турындагы мәгълүматны тикшерү өчен, банкның клиентлар хезмәтенә шалтыратырга кирәк. Сезгә, мөгаен, серверда тоткарлык булмаганлыгы һәм картагызга банкның хезмәт күрсәтүе турында хәбәр итәчәкләр.

Соңгы вакытта пластик карталар белән мошенниклык очраклары арта бара. Шуңа күрә куркынычсызлык кагыйдәләрен үтәргә кирәк. Картагызның ПИН-кодын беркайчан да беркемгә дә әйтмәгез. Иң яхшысы – аны исегездә калдырыгыз. ПИН-кодны картагыз белән сакларга яки аңа язып куярга ярамый. Урлатканнан яки югалтканнан соң, сез аны хәтта блокировкаларга да өлгермәячәксез. Картагыздан файдаланырга беркемгә дә рөхсәт итмәгез. Бу – андагы акчагызны санамыйча, кошелегыгызны кемгә дә булса бирү белән бер. Банкомат дөрес эшләмәсә яки озак вакыт көтү режимында торса, аннан файдаланудан баш тартыгыз. Аның мошенниклар тарафыннан яңадан программалаштырылган булуы ихтимал. Банк картасы белән операция башкарганда, өченче затларның киңәшеннән яки ярдәменнән файдаланмагыз.Үзегезнең банк белән элемтәгә керегез – ул карта белән эшләү буенча консультация хезмәтләре күрсәтергә бурычлы.

Барлык мошенниклык фактлары буенча түбәндәге телефоннар буенча район эчке эшләр бүлегенә хәбәр итүегезне сорыйбыз: 2-47-30, 2-49-02, 02.

Ленар Гарифуллин, полициянең участок уполномоченныйлары бүлеге начальнигы урынбасары. 

SMS-үтенеч

SMS-хәбәрләр телефон аша алдауның схемасын гадиләштерергә ярдәм итәләр. Мошенниклыкның бу төренә бигрәк тә өлкәннәр һәм балалар тиз бирешәләр. Счетка акча күчерүнең гадиләштерелгән схемасы өстәмә куркыныч тудыра. Бу ничек оештырыла соң? Абонент кәрәзле телефонга хәбәр ала: “Минем проблемалар барлыкка килде. Шушы номерга 1000 сум акча сал. Миңа шалтыратма, үзем шалтыратырмын”. Еш кына “әни”, “дустым” дигән мөрәҗәгать сүзләре дә өстәлә. Бу очракта нишләргә соң? Өлкәннәргә, балаларга, яшүсмерләргә таныш түгел номерлардан килгән SMS-хәбәрләргә җавап бирергә ярамаганлыгын аңлатырга кирәк. Аларның мошенниклар булуы ихтимал.

Талаучы номер

Кәрәзле элемтә технологияләренең һәм сервисларының үсеше мошенниклык схемаларын гадиләштерергә ярдәм итә. Сезгә, күрсәтелгән номерга шалтыратуыгызны сорап, SMS-хәбәр килә. Сәбәбен төрлечә күрсәтергә мөмкиннәр: дуска ярдәм итәргә кирәк, элемтә тарифы үзгәргән, элемтә яки сезнең банк картагыз белән проблемалар бар һәм башкалар. Сез яңадан шалтыраткач, сезне линиядә озак тоталар. Ялыккач, сез элемтәне өзәсез һәм сезнең счеттан эре суммалар алынганы мәгълүм була. Чынлыкта исә эш болай була. Түләүле шалтыратулы сервислар бар. Күп очракта болар уен сервислары һәм аларда хезмәтләр телефон аша күрсәтелә һәм шалтыраткан өчен өстәмә түләү алына. Мондый сервислар рекламасы шалтыратуларның түләүле икәнлеген һәрвакыт хәбәр итә. Мошенниклар мондый сервисны теркиләр һәм, шалтыраткан өчен акча алынганлыгын хәбәр итмичә, номерын тараталар. Мондый очракта нишләргә? Таныш түгел номерларга шалтыратмагыз. Бу – телефон мошенникларыннан саклануның бердәнбер ысулы.

Сылтама аша вирус

Бик еш кына мошенниклыкның телефон вируслары файдаланып башкарыла  торган төре кулланыла. Абонентның телефонына түбәндәге эчтәлектәге хәбәр килә: “Сезгә SMS-хәбәр килде. Аны алу өчен, түбәндәге сылтама  буенча керегез: ...” Күрсәтелгән адрес буенча кергәндә, телефонга вирус кертелә һәм сезнең счеттан акча алына. Мошенниклыкның икенче төре түбәндәгечә. Янәсе, мобиль оператор аша нинди дә булса хезмәткә заказ бирсәгез яки мобиль контент күчереп яздырганда, абонентка түбәндәге кисәтү килә: “Сез ... кыска номерга хәбәр җибәрергә җыенасыз. Операцияне раслау өчен “1” саны белән хәбәр җибәрегез. Кире кагу өчен – “0” саны белән”. Раслау турында хәбәр җибәргәндә, абонентның счетыннан акча алына. Мошенниклар мондый хәбәрләрне меңләп җибәрергә мөмкинлек бирә торган махсус программалар файдаланалар. Ялган счетка акча күчү белән, алар телефоннан “төшәләр”. SMS җибәрелгән номерга шалтыратырга кирәк түгел – сезнең телефоннан автоматик рәвештә зур суммада акча алынуы ихтимал. Мондый мошенниклыкның бик күп төрле вариантлары бар. Уяу булыгыз!

Барлык мошенниклык фактлары буенча түбәндәге телефоннар буенча район эчке эшләр бүлегенә хәбәр итүегезне сорыйбыз: 2-47-30, 2-49-02, 02.

Ленар Гарифуллин, полициянең участок уполномоченныйлары бүлеге начальнигы урынбасары.

 

Хөрмәтле эш бирүчеләр һәм кадрлар агентлыклары! Исегезгә төшерәбез: Россия законнары эш урыннары турында эш эзләүчеләрнең хокукларын чикләүче мәгълүматны бастыруны тыя. Әйтик, эш урыны турындагы игъланнарда чикләү рөхсәт ителми. Ягъни эш сыйфатлары белән бәйләнмәгән, мәсәлән, җенес, яшь, гражданлык, күчемсез милек булу-булмау турындагы мәгълүматлар таләп ителергә тиеш түгел. Шулай итеп, җенес, яшь, гражданлык һәм күчемсез милке турында мәгълүмат язылган игъланнар законлы түгел дип таныла. Әлеге гамәл административ хокук бозуга керә һәм аның өчен штраф салына. Бу – кеше һәм гражданинның җенесенә, милләтенә, тән төсенә, нинди телдә сөйләшүенә, чыгышына, гаилә, социаль һәм вазифаи хәленә, мөлкәтенә, дингә мөнәсәбәтенә, карашына, иҗтимагый берләшмәләргә яки нинди дә булса социаль төркемнәргә керү-кермәвенә карап хокукларын, иреген, социаль мәнфәгатьләрен бозу.

Эш урыннары турындагы кеше хокукларын бозучы мәгълүматлар булган игъланнарны таратучылар да Россия Федерациясе Административ хокук бозулар турындагы кодекс нигезендә административ җаваплылыкка тартылалар. Әлеге төр хокук бозган өчен гражданнарга - 500 сумнан алып 1000 сумга кадәр, вазифаи затларга – 3000 сумнан 5000 сумга кадәр, юридик затларга 10000 сумнан 15000 сумга кадәр штраф салу каралган.

Кеше хокукларын бозучы мәгълүматны тарату гражданнарга да, вазифаи  һәм юридик затларга да теләсә-нинди формада һәм нинди дә булса искәрмәләр кулланып та тыела.

Гөлнара Хәйбрахманова, мәшгульлек үзәге директоры.

<< Беренчесе < Артка 1 2 3 4 5 6 7 8 9 10 Алга > Соңгысы >>
Страница 1 из 27

Бүген 27.07.17

Безнең төркем

 

Яңалыклар

« Июль 2017 »
Дш Сш Чш Пш Җм Шб Яш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

© 2011 - 2017. САРМАН . Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте , возможна только с письменного согласия редакций СМИ.
При поддержке Республиканского агентства по печати и массовым коммуникациям «Татмедиа» 

Наименование СМИ: Сарман
№ свидетельства о регистрации СМИ, дата: Эл №ФС77-47640 от 07.12.2011

выдано Федеральной службой по надзору в сфере связи,
информационных технологий и массовых коммуникаций

ФИО Главного редактора: Сабирова Альбина Ашрафулловна
Адрес редакции: 423350, с. Сарманово, ул. Ленина, д.17
Телефон редакции: (85559) 2-40-31
Учредитель СМИ: ОАО «ТАТМЕДИА»

RSS