Террорга каршы комиссиянең чираттагы утырышы үтте

Бүген районның террорга каршы комиссиясенең чираттагы утырышы булды. Аны комиссия рәисе – муниципаль район башлыгы Фәрит Хөснуллин алып барды.

Көн тәртибендәге беренче мәсьәлә террор куркынычы туганда, Башкарма комитет һәм оператив төркемнең үзара хәрәкәт итү тәртибе, көчләр һәм чараларның әзерлеге, террор акты булган очракта, беренчел чараларны тормышка ашыру, террор актының нәтиҗәләрен киметү һәм бетерү турында иде. Аның буенча Башкарма комитет җитәкчесе Әлфис Фәйзрахманов, эчке эшләр бүлегенең полиция начальнигының җәмәгать тәртибен саклау буенча урынбасары Валерий Алексеев чыгышлары тыңланды. Валерий Алексеев шулай ук май аенда үткәреләчәк бәйрәмгә әзерлек һәм аларны үткәрү вакытында күрелә торган куркынычсызлык чараларына тукталды. Район прокуроры Эльдар Сабиров, “Форпост” яшьләр берләшмәләре үзәге директоры Айгөл Гатауллина радикаль яшьләр арасында, социаль челтәрләрдәге деструктив төркемнәр белән профилактик эш алып баруның торышы һәм аны камилләштерү юллары турында сөйләделәр. Мәгариф бүлеге начальнигы Әлфәт Сабиров үз чыгышында дини сәбәпләр белән балаларын өйдә укытучы гаиләләр белән алып барыла торган профилактик эшнең торышын, “Кибердружина” отряды эшчәнлеген яктыртты. Авыл җирлекләрендә террорчылыкка каршы эшчәнлек торышы белән Карашай Саклау, Ләшәү Тамак авыл җирлекләре башлыклары Вероника Хөсниева һәм Илфат Хәбибуллин таныштырдылар.

Утырыш эшендә РФ куркынычысызлык хезмәтенең ТР буенча идарәсенең Зәй шәһәрендәге бүлекчәсе хезмәткәре Рамил Нәҗмиев, авыл җирлекләре башлыклары, оешма-учреждениеләр җитәкчеләре, мәктәп директорлары  катнашты.

Энҗимә Габдрәхимова тексты.

Илнур Сибгатуллин фотолары.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 4 февраль 2021 - 13:50
    Фирдүс Тямаевтан - «Татарлар» җыры
  • 21 гыйнвар 2021 - 16:19
    Сарман районыннан Илгиз Мусин “Джентельмены удачи” кинофильмында уйный
  • 2021 елга нинди максатлар куйдыгыз? .
    7 кеше тавыш бирде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.
  • Сарманлылар Яңа Бүләккә бардылар
  • Районга Татарстан Республикасында бала хокуклары буенча вәкил Гүзәл Удачина килде
  • 5 март 2021 - 14:32
    Зөбәрҗәт туйга килеп җиткәннәр
    Зөбәрҗәт туйга иң бәхетлеләр – кыенлыкларга бирешмәүче, мәхәббәт хисен еллар агышында, тормыш юлында очраган давылларда саклап кала алучылар гына килеп җитә алалардыр.
    381
    0
    0