САРМАН
  • Рус Тат
  • "Сайлаулар - изге эш", - ди Дамир абый

    Районыбызда яшәүче Россия Фәннәр академиясенең шәрәфле әгъзасы, академик, галим, язучы һәм шагыйрь Дамир Гарифуллин бер генә сайлаудан да читтә калмый.

    - Бу сайлауларда да беренче көнне үк – 11 сентябрьдә үзебезнең участокта беренчеләрдән булып үз тавышымны бирдем, участок әгъзаларына һәм сайлаучыларга китапларымны бүләк иттем, - ди ул.
    Ә район сайлаучыларына ул шигъри сәламен җибәрде.

    Көн тудымы, безне көтә
    Кырыкмаса-кырык эш.
    Бүген сайлап, тавыш бирү -
    Барчабызның олуг эш.
    Сайлау саен таңга таба
    Ачыладыр тәрәзә.
    Татарстан! Сайлау саен
    Күтәрелә дәрәҗәң.
    Бөтенебез бер дулкында,
    Ныгый бара җилкәннәр.
    Хәер-фатихабыз белән
    Матурая ил-көннәр.
    Бүген салабыз бергәләп
    Киләчәкнең нигезен.
    Гамәлебез – изге гамәл,
    Кызартмабыз ил йөзен.
    Зөлфия Шәрипова язмасы

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: