Татарстанда татар токымлы атлар үрчетү өчен субсидияләр каралган

2019 елның 1 апреленә республикада татар токымлы атлар саны 400 баштан артык.

 Республикада татар токымлы атлар үрчетү өчен бюджеттан субсидияләр каралган. Бу хакта «Татар-информ» мәгълүмат агентлыгына ТР Авыл хуҗалыгы һәм азык-төлек министрлыгында хәбәр иттеләр.

Дәүләт ярдәме татар токымлы атлар үрчетү белән шөгыльләнүче авыл хуҗалыгы предприятиеләренә, фермерларга, шәхси эшмәкәрләргә күрсәтеләчәк.

Татарстан Республикасы Авыл хуҗалыгы һәм азык-төлек министрлыгының Терлекчелек тармакларын үстерү бүлегенең әйдәп баручы киңәшчесе Айрат Хәбибуллин аныклап узганча, хуҗалыкларга һәм ат асраучыларга бу токымнан атлар сатып алу чыгымнарының 60 проценты кайтарылачак.

Татарстан Республикасы Авыл хуҗалыгы һәм азык-төлек министрлыгы мәгълүматларына караганда, бүген республиканың ун муниципаль районында татар токымлы атлар бар. Әлки районында алар 218 баш – бүгенге көндә бу хайваннарның иң күп баш саны. Лениногорск районында – 112, Теләче районында – 37, Әлмәт районында – 26, Алексеевскида – 10 ат.

«Агымдагы елның 1 апреленә республикада татар токымлы атлар саны 414 баш тәшкил итә», – дип ачыклык кертте Айрат Хәбибуллин.

Фото: архив/Салават Камалетдинов

Бу хакта тулырак: https://tatar-inform.tatar/news/2019/04/10/184223/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 4 февраль 2021 - 13:50
    Фирдүс Тямаевтан - «Татарлар» җыры
  • 21 гыйнвар 2021 - 16:19
    Сарман районыннан Илгиз Мусин “Джентельмены удачи” кинофильмында уйный
  • 2021 елга нинди максатлар куйдыгыз? .
    7 кеше тавыш бирде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.
  • Сарманлылар Яңа Бүләккә бардылар
  • Районга Татарстан Республикасында бала хокуклары буенча вәкил Гүзәл Удачина килде