“Ел табибы – Ак чәчәкләр" бәйгесендә “Елның медицина хезмәткәре” исеме билгеле

Ул – “Яңа Чишмә район үзәк хастаханәсе” Чуваш Чабаксары фельдшер-акушерлык пункты мөдире Любовь Гуслярова.

Казанда "Пирамида" мәдәни-күңел ачу комплексында “Ел табибы - Ак чәчәкләр 2019” бәйгесендә “Елның медицина хезмәткәре” номинациясе җиңүчесе билгеле булды. Ул – “Яңа Чишмә район үзәк хастаханәсе” Чуваш Чабаксары фельдшер-акушерлык пункты мөдире Любовь Гуслярова.

Номинацияне сәхнәдә Россия Федерациясе депутаты Дмитрий Менделеевич, Татарстан Сәламәтлек саклау министрлыгында балаларның баш кардиологы Мария Школьникова игълан итте. Любовь Гусляровага йөз мең акча, ә калган ике номинантка путевка тапшырылды

Любовь Гуслярова Чуваш Чабаксары фельдшер-акушерлык пункты мөдире булып 30 елдан артык эшли. Бу бүлекчәгә ике авыл халык беркетелгән: Чуваш Чабаксары һәм Благодаровка. Аның эшләү дәверендә туучылар саны арта, үлүчеләр саны кими, балалар һәм аналар үлеме очраклары теркәлми.

Быелгы конкурста биш номинация тәкъдим ителде: "Сәламәтлек саклау легендасы", "Беренчел буынның иң яхшы табибы", "Елның медицина хезмәткәре", "Уникаль очрак" һәм "Ел табибы". "Сәламәтлек саклау легендасы" номинациясеннән тыш, һәр номинациядә өчәр кандидатура катнаша.

"Ак чәчәкләр" республика бәйгесе Казанда 2008 елдан бирле ел саен уздырыла. Конкурс күренекле татар язучысы Габдрахман Әпсәләмовның ак халатлы табиблар турында язылган "Ак чәчәкләр" романына багышлап исемләнгән. Бәйге һөнәри осталыкны камилләштерүгә өстәмә этәргеч бирүгә, медицина хезмәткәре һөнәренең абруен күтәрүгә юнәлдерелгән.

Фото: Рамиль Гали

Бу хакта тулырак: https://tatar-inform.tatar/news/2019/06/14/188062/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    6 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша