Августта Татарстанда алимент буенча бурыч күләме 16 млн сумга кимегән

Бүген республикада үз вазифаларын үтәмәүче 22 мең алиментчы теркәлгән.

Августта Татарстанда алимент буенча бурыч күләме 16 млн сумга кимегән. Бу турыда «Татар-информ»га биргән интервьюсында республика хезмәт, халыкны эш белән тәэмин итү һәм социаль яклау министры Эльмира Зарипова сөйләде.

Бүген республикада үз вазифаларын үтәмәүче 22 мең алиментчы теркәлгән. Августта аларның саны 204кә кимегән.

Эльмира Зарипова сүзләренчә, Татарстан Республикасы Президенты Рөстәм Миңнеханов бу мәсьәләгә игътибар иткән. «Хәзер республикада Татарстан Премьер-министрының беренче урынбасары Рөстәм Нигъмәтуллин җитәкчелегендәге эшче төркем оештырылган. Аның составына көч органы, суд приставлары, шулай ук прокуратура органнары, салым хезмәте һәм мәшгульлек үзәге, социаль яклау, опека һәм попечительлек органы вәкилләре кергән. Алар муниципаль дәрәҗәдә баланы саклау һәм мәнфәгатьләрен, хокукларын һәм иреген яклау белән шөгыльләнә», — дип билгеләп үтте министр.

Шундый ук эшче төркемнәр Татарстанның һәр муниципаль районында булачак, диде республика хезмәт, халыкны эш белән тәэмин итү һәм социаль яклау министры Эльмира Зарипова.

2018 елның июле ахырында республикада алиментлар буенча бурыч 3 млрд сумнан артып китүе билгеле булды.

 

Мәгълүмат «Татар-информ»нан алынды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    0 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша