Куркыныч фаҗига!

Кичә сәгать кичке сигезенче яртыда башкала аэропортында "Боинг" очкычы белән зур фаҗига килеп чыкты. Мәскәүдән кайтучы очкыч аэропортка төшкәндә җиргә бәрелгән һәм шартлаган. Андагы 44 юлчы һәм 6 экипаж әгъзасының барысы да һәлак булган. Араларында Татарстан Президентының өлкән улы Ирек Миннехановның да булганы инде билгеле. Моннан тыш, корбаннар арасында Федераль Иминлек хезмәтенең республикадагы идарәсен җитәкләгән Александр Антонов та бар. Самолет Татарстан авиакомпаниясенеке. Очкыч һавага "Домодедово" аэропортыннан күтәрелгән.