Сарман районы спортчылары турында SportsKidsТАТАРСТАН республика журналында язганнар

Безнең район спортчылары республикакүләм генә түгел, Бөтенрәсәй, Дөньякүләм ярышларда да уңышлы чыгыш ясыйлар. Районда 134 спорт корылмасы бар, аларда 8304 бала һәм яшүсмер шөгыльләнә. Араларында 2 спорт мастеры, 5 спорт мастерына кандидат, 449 разрядчы, 36 беренче разрядлы спортчы бар. Официаль мәгълүматлардан күренгәнчә, ел башына район буенча 13,5 мең кеше актив рәвештә спортка җәлеп ителгән.

- Журналыбызның икенче саны дөнья күрде. Без республика спортын яктырту белән беррәттән, район спортчыларына да әһәмият бирәбез. Республикакүләм ярышларда Сарман районы спортчыларын ешрак очратырга туры килә. Шуңа күрә, журналыбызның бу санын нәкъ менә сарманлыларга багышларга булдык, - дип башлаган сүзне районда булып киткән редакцион төркем.