Данир Сабиров халыкны борчуга салган+ ВИДЕО

Сәламәт яшәү рәвешен кемдер бассейнга йөрүдә, кемдер чи ризык белән туклануда, кемдер фитнес белән шөгыльләнүдә, ә кемнәрдер салкын суда коенуда күрә.

Кыш  көне салкын бәкедә коенырга җөрьәт итәр өчен дә батырлык кирәктер, мөгаен. Үз-үзеңне әзрәк чыныктырмыйча мондый эшкә алыну, киресенчә, зыян гына булырга мөмкин. Табиблар фикеренчә, иң элек, көн саен карда яланаяк йөрергә кирәк. Ике айдан соң һәр таңны салкын су белән коенудан башлау зарур. Гомумән, «морж» салкын су белән ел әйләнәсендә дус булырга тиеш, диләр.

Данир Сабиров шәхси аккаунтына видеоязма куйган һәм аны «Деревенский Саб-Зиро» дип исемләгән. Җырлый-җырлый бәкедә коена ул. «Су өстендә балык уйный, иртә дими, кич дими... » дип моңлана юморист. Горур кыяфәт белән судан чыгып: «Туңган булсам да, җылы кыяфәт ясыйм әле» дип китеп тә бара. Данирны җанатарлары бик күп комментарийга күмгәннәр. Кемдер пиар бу дисә, кайсыдыр аның сәламәтлеге өчен борчылган. «Үләм, мин киенеп тә туңучан кеше буларак, сиңа карап теш сызлый ук башлады монда...» дип язган берәү. Шулай шул. Кыш көне һава температурасы ун градустан да төшмәсә ярар иде дип йөргән кешеләргә, кая инде ул суык суга чуму! Алар, хәтта, бу видеоязманы караганда да туңып утыралардыр.

Данир да бу адымга барыр алдыннан күпмедер чыныкккандыр дип инанып калабыз. Аның чаңгыда йөрүенә, салкын су коенуна күпләр шаһиттыр. Әледән әле ул аларның видеоязмаларын инста тасмага элеп бара.

Пиармы, әллә сәламәт яшәү рәвешеме, ни булса да, зыян гына булмасын.

Г.Гыймадиева

 

Фото: скриншот инстаграм

 

http://sahne.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде