Бүген Сарманда үзара салым мәсьәләләренә багышланган референдум үткәрелә

Сайлаучыларны барлыгы 6 сайлау участогы кабул итәчәк. Аларның 5 се – Сарманда, 1 се Яңа Әхмәттә эшләячәк. Участокларның эш сәгатьләре – 7.00-20.00.
Киләсе 2020 елда Сарманыбызда нинди эшләр башкарылачак, без нәрсәләргә өметләнә алачакбыз – болары әлеге референдумга, халыкның анда ничек һәм ни дәрәҗәдә катнашуына бәйле. Шуны онытмасак иде - безнең һәр түләгән бер сумыбыз республика бюджетыннан дүртләтә күләмдә акчалата ярдәм алырга мөмкинлек бирә. Акча бар икән, димәк, Сарманыбызның тагын да матурлануына, әйләнә-тирәбезнең тагы да уңайлырак булуына, кыскасы, яңа эшләргә өметләнә алабыз. Сарман өчен үз тавышыбызны бирик, хөрмәтле сарманлылар!

Фото:https://pixabay.com/ru/vectors/